Texts
Return to list | edit | delete | Create a new | Statistics | ? Help
Baburova, Galina. Yštävyön tuntija piettih vepšäläisissä kylissä
Baburova, Galina
Yštävyön tuntija piettih vepšäläisissä kylissä
Karelian Proper
New written karelian
Šulakuun
9. päivänä Šokšan ta Šoutjärven kouluissa järješšettih interaktiivisie muasteri-oppija Yštävyön tunnit -šarjan rajoissa .Kaikkieštah tuntiloih , muasteri-oppiloih ta kilpailuih ošallistu 3.–11. luokkien 70 koululaista .
3.–6.-luokkalaisilla Karjalan kanšojen yštävyštalon ruatajat piettih loto-stolapelija , Kičči-kočči-yhtyvehen ohjuaja Alina Kartinen tuttavuššutti heitä rahvahan musiikkišoittimih ta näytti , mitein niillä šoitetah , a Kipinä-lapšienlehen toimittajat vietettih lapšilla muasteri-oppija , kumpasissa hyö luajittih "toivomukšien purkkija ".
– Mie vietin koululaisilla interaktiivisen muasteri-opin šekä kerroin heilä Karjalan musiikkikulttuurista ta rahvahan šoittimista . Enemmän šanelin kantelešta .Šamoin yheššä koululaisien kera myö opaštuma yhen kalevalamittasen runon šekä vepšäläisen Säkki varvakki -laulun .Šiitä lapšet iče kuoteltih šoittua niitä kantelella .Muasteri-opit mäntih hyvin yštävälliseššä ilmapiirissä , mie ihmettelin , jotta koululaiset ollah noin tiijonhimoset ta miettiväiset , kerto musikantti Alina Kartinen .
Vanhemmat , 9.–11. luokkien opaštujat ošallissuttih kviz-pelih .Šielä koululaiset vaššattih kyšymykših , mit košettih Karjalašša eläjie kanšoja , heijän uškomukšie ta perintehie .
Tuntiloissa koululaiset šuatih tietyä äijän uutta Karjalan rahvahien kulttuurista šekä opaššuttih ruatamah joukošša , kuuntelomah toini toista ta näkömäh yhtehistä erilaisissa perintehissä .Vet yheššä on aina mukavampi !
Karjalan kanšojen yštävyštalon ruatajat jatetah "Yštävyön tuntija ".Šeuruava šemmoni tilaisuš vietetäh jo kohta Kontupohjašša .
Yštävyön tuntija piettih vepšäläisissä kylissä
Karelian Proper
New written karelian