Texts
Return to list | edit | delete | Create a new | Statistics | ? Help
Alina Gapejeva. 95 vuottu Priäžän piirin uudizii sanelemas
Alina Gapejeva
95 vuottu Priäžän piirin uudizii sanelemas
Livvi
New written Livvic
Tänäpäi
lehten nimi kuuluu kahtel kielel , karjalakse – "Meijän elaigu ".Jo 95 vuvven aloh julgavo ihaškoittau piirin eläjii , vai Suuri Ižänmualline voinu katkai kodvazekse perindön .
Jo silloi , oman taibalehen allus , lehti tarkah miäräi oman ruavon : olla sillannu ristittyzien keskes , olla kohtannu , kus rahvas šeikuijah da sellitetäh aijankohtazii probliemoi .Vuvven 1932 kirjutuksien nimet kuuluttih kehityksenny ruadoh da vastustamizeh : "Smit’ p’atno pozora ", "Ne oslabl’at’ klassovoi bditel’nosti ", "Slomit’ kulatskii sabotaž ", "Likvidirovat’ proriv ", "Uporno drats’a za senouborku " da toizet .
Lehtes oldih Krasnaja doskada Čornaja doska -rubriekat .Enzimäzes mainittih meččyruavon parahii ruadajii , toizes – moitittih jällele jiännyzii kylänevvostoloin piälikkölöi .Pahoi da laškoi ruadajii palkittih "rogozuflavul " da "Čerepuahan ordenal ".
Nevvostoliiton aigah , konzu ei olluh internettua , toimitukseh alallah tuli kirjastu eri-igäzis lugijoispäi – školaniekois da eläkkehel olijoispäi .Poštujuaššiekku ainos oli täčöi-täyzi .
– Loittozinnu 1980-vuozinnu , muga kui enne sidägi rahvahal pidi ruadua ylen äijy . Lehtimiehien materjualat , kudamat kirjutti konehel konehkirjuttai , viettih yhtes lehtisivuloin makietoinke painamoh .Joga kirjutus painettih rivilöi myöte Linotype-konehel ."Hännät " – materjualoin loput , kudamat ei synnytty lehtisivule , žiälöimättäh leikattih , toiči muutettih sil samal kogo kirjutuksen idei . Sit painettu tekstu siirrettih raudumuodoloih , painettih bumuagal lehtisivu da annettih lugiettavakse oigiehlugijale .Kohendustu oli 30-50 yhtel lehtisivul .Toiči konehien ruavos oli vigua , sit ruadajat istuttih panamos ruadamas keskiyössäh , pidi vuottua , kuni koneh kohendetah .Ruado oli kiini poštan ruadoaijas , poštumašin ei voinnuh vuottua , saneli endizes ruavos Ol’ga Sannikova Meijän elaigu -lehtes 7. sulakuudu 2011.
Oli lehten elokses hyvii da ei ylen hyvii aigoi .Oman nygözen nimen lehti sai vuvvennu 1991, konzu kogo meijän Ven’an mual oli muutoksii .Nimen keksi Matrosan eläi Vladimir Sobolev .Lehti piäzöy ilmal 16 sivul kerran nedälis , painosmiäry on 600 palua .Toimitukseh kučutah uuzii ruadajii , a tänäpäi ruammo kahtei : Aleksandr Kolomejets da minä , Alina Gapejeva .Ruammo 1,3 palkal .
Nygöi enimät rahvas parembi lugietah uudizii internetas , ei tilata bumuagulehtie .Ga toimittajat uskotah , ku se ei rodei lehtele tiel .Tämä 95-vuozipäivy on kallis kaikile , ket ollah kiini lehtes .
95 vuottu Priäžän piirin uudizii sanelemas
Livvi
New written Livvic