Texts
Return to list | edit | delete | Create a new | Statistics | ? Help
Nadežda Vasiljeva. Kalevalan koulun vuotisjuhla
Nadežda Vasiljeva
Kalevalan koulun vuotisjuhla
Karelian Proper
New written karelian
Kuin
asieh kuuluu , šiih ošallissuttih koulun kaikki opaštajat , ka kokoukšen erikoisuona oli še , jotta še omissettih koulun istorijalla šekä ihmisillä , ket annettih oša šyväimeštä ta šielušta opaššušlaitokšen kehittämiseh .
Tämmösen opaštajaneuvošton järještämisen šyynä oli Kalevalan koulun uuvven rakennukšen 50-vuotisjuhla .Rakennuš otettih käyttöh 1. šulakuuta 1976.Šilloin uuši koulurakennuš oli opaštujilla ta opaštajilla kaunis , tilava ta viihtysä lahja .Ei häirinnyn , jotta lukuvuosi oli jo loppušuoralla – tämä juhlallini hetki oli tovellini juhla koko Kalevalan pos’olkalla .
Piirikeškukšen šijoutumini loittuona rautatieštä ta muista piäliikennehteistä , työvoimapula šekä johtamisproplemat hillennettih koulun rakentamisen vauhtie moneh vuoteh .Työt eissyttih vaikiešti , ta rakennušvaihien loppupuolella apuh tultih paikalliset eläjät šekä opaštujat , kumpaset tahottih opaštuo uuvvešša koulušša .
Lopulta tuli juhlallini hetki : pruasniekkatilaisuš uuvven koulun portahilla , onnittelupakinoja ta hyvie toivomukšie .Viisikymmentä vuotta takaperin kymmenešluokkalaini Valentina Filippova kiitti rakentajie kaunehešta koulušta ta vakuutti , jotta opaštujat pietäh rakennukšešta hyvyä huolta .On merkittävä , jotta myöhemmin , konša neičyt lopetti Petroskoin valtijonyliopiston , hiän myöšty omah kouluh opaštajakši , opašti šuomen kieltä ta myöhemmin tuli koulun johtajakši .
Niise monet muut koulun entiset opaštujat myöššyttih ruatamah Kalevalan kouluh .Biologijan opaštaja Ksenija Tats’uk muisteli opaštajaneuvoštošša , kuin ilosin mielin hiän aštu uuteh kouluh opaštujana ta kuin jännittynyönä hiän piti oman enšimmäisen oppitunnin opaštajana .
Valerija Nikolajevna Remšu kerto puoleštah tilantehista , konša rakennuštyön puuttehista huolimatta hänellä koulun johtajana partijan johtokunta šuositteli painokkahašti rakennukšen vaštahottodokumentin allakirjuttamista – eikä täštä voinun kieltäytyö .Simvolista avuanta , kummaista rakentajat luovutettih hänellä puoli vuosišatua takaperin , hiän tuaš piti käsissäh tämänkertasešša kokoukšešša .
Šulakuun opaštajaneuvoštošša kuultih monie muistoja .Opaštajat paistih koulun parahista perintehistä , yštävyškouluyhteistyöštä šekä lukusista urheilušuavutukšista .
– Kalevalan koulu muistau männyttä aikua , on ylpie nykypäiväštäh ta rohkiešti kaččou tulovaisuoh , totesi koulun nykyni johtaja Svetlana Bel’ajeva .
Tätä tulovaisutta rakennetah yheššä nykyset opaštajat ta opaštujat .Koululaiset ilahutettih opaštajaneuvošton ošallistujie niise juhlaesitykšillä , mit lahjotettih tapahtumalla erityistä tunnelmua .
Kokoukšen lopušša kaikin oltih yhtä mieltä šiitä , jotta 50-vuotisjuhla antau lähtökohan uušilla rohkeilla ta mukavilla idejoilla .Koulu šäilyy jatkoššaki yhteisymmärrykšen ta mäneššykšen paikkana , missä jokahini opaštuja ta opaštaja on piähenkilö .
Kalevalan koulun vuotisjuhla
Karelian Proper
New written karelian