Texts
Return to list | edit | delete | Create a new | Statistics | ? Help
Jašan Maša. Musto
Jašan Maša
Musto
Livvi
New written Livvic
Randukoivuh saite suatoin
Kuldua voinal lähtijes
Vuota !Tulduu tulen kodžil !
Čuhkai kuldu erotes .
Avoi milleh tuomi kukki
Sinä keviän kasekses !
Avoi kulleh syväin sykki
Kullan sanoi kuunnelles !
Toko toizin Jumal leppi ,
Toizin elos punaldih .
Ei ni piässyt kuldoi kodžil :
Kadoi voinan pyördehih .
Oh jo lembi ozattoman ,
Oh jo atkal algaine !
Kirboi suloikivyt mereh ,
Sammui selgei zor’aine …
Viertih vuvvet .Hyväs sovus
Toizen mielitieton kel
Elämmö , ku soudazimmo
Myödyvirdah venehel .
Toko ainos , konzu mieleh
Kullan sanat juohtutah ,
Silmänteräh kerdyy kyynel ,
Huulet ‒ muheloitetah .
Musto
Livvi
New written Livvic