Texts
Return to list | edit | delete | Create a new | Statistics | ? Help
Uljana Maksimova (Tikkanen). Piäkentällä šaneluo kirjutti 60 henkie
Uljana Maksimova (Tikkanen)
Piäkentällä šaneluo kirjutti 60 henkie
Karelian Proper
New written karelian
Tänä
vuotena še on omissettu Vladimir Brendojevin muistovuuvvella .Livvinkielisen kirjallisuon klassikko ois täyttän 95 vuotta .Šanelu karjalan ta vepšän kielellä kirjutetah Karjalan kaikissa piirilöissä ta kaupunkipiirilöissä šekä Leningradin , Vologdan ta Tverin alovehilla .Yli 1200 henkie tulou tarkistamah omie tietoja šulakuun 20. päiväštä alkanuon netälin aikana .
Piäkentällä , Petroskoin valtijollisen yliopiston kirjaštošša šanelu oli kirjutettu Karjalan ta vepšän kirjakielen päivänä .Juhlallisissa avajaisissa oli šanottu tervehyš - ta hyvittelyšanoja piäjärještäjiltä ta partn’oriloilta .
Karjalan kanšallisen ta alovehellisen politiikan ministeri Sergei Kisel’ov korošti kuin tärkietä on šäilyttyä perintehie ta kielie erityisešti Venäjän kanšojen yhtenäisyön vuotena ta toivotti , jotta kielensnaiččijien miärä kašvais .
Avajaisissa esiinty Karjalan anšijotunut artista , Kanšallisen teatterin näyttelijä Nikita Anisimov .Hiän esitti kakši lauluo , kumpaset hiän šepitti Vladimir Brendojevin runoilla .Nikitan ämmö pakasi karjalakši , ka ei opaštan punukkua kieleh , ta nuori mieš tuli oman muamonkielen opaštumiseh jo aikuhisena ollešša .
– Mie šain enšimmäisen karjalankielisen Lauri-paimenpojan roolin Emähukka-spektaklissa , vuotena 2011. Šiitä miun šielušša mitä lienöy muuttu , rauhottu .Kaikki ašettautu omilla paikoilla .Mie aina kirjutin runoja , ta kerran meijän teatterin šuuri näyttelijä Pekka Mikšijev anto miula lahjakši Vladimir Brendojevin kirjan .Šen avulla šynty innoššuš šepittyä lauluja kitaralla runojen mukah , šelitti Nikita Anisimov .
Šanelun tekstiksi oli valittu pätkä Kylmillä-kertomuššarjašta .Teksti oli kiännetty karjalan kielen lyydin , vienan ta tverin murtehilla šekä vepšäkši .Kiäntäjät ta šanelun enšimmäiset kirjuttajat koroššettih , jotta teksti ei ole helppo kirjuttamista varoin , ka tuttavuššuttau šuuren kirjailijan luovah ruatoh .
Aktijon partn’orit , Karjalan Rahvahan liitto ta Vepšäläisen kulttuurin šeura luvattih palkita piäkentällä šanelun kirjuttajie , ket šuahah šata pistehtä .
Tovissukšet ta omat tulokšet voipi šuaha Karjalan kanšojen yštävyštalošša šulakuun 27. päiväštä alkuan .
Piäkentällä šaneluo kirjutti 60 henkie
Karelian Proper
New written karelian