Texts
Return to list | edit | delete | Create a new | Statistics | ? Help
Galina Baburova. Šoutjärves mäni tradicionaline “Tähtazvihm”-festifal’
Galina Baburova
Šoutjärves mäni tradicionaline “Tähtazvihm”-festifal’
Veps
New written Veps
"Tähtazvihm "-festivalin
tegii om Šoutjärven lapsiden päivkodi . Ühesa vot tagaze sen ohjandajale L’udmila Sergejevale tuli pähä idei kerata ühthe Änižröunan perehid , miččiš om penikaižid lapsid , miše ned ozutaižiba toine toižile ičeze mahtoid .
– Festivalin pätegend om tugeta penikaižid lapsid , ved’ vanhembidenke hö rižaba ičtaze varomatomudes . Mugažo mö tahtoim virigoitta perehiden tahtod enamba aigad mänetada ühtes , ved’ nene ei olgoi vaiše ezitused , festivalikš pidab mugažo ombelta sädoid , harjoiteldas , vaumištadas , – sanub L’udmila Valentinovna .
Ühtes penikaižidenke lapsidenke ezitusihe voiba ühtneda heiden kazvatajad , vanhembad sizared da velled , dedoid da baboid .Muga tegese , miše kaik perehnikad tegeba üht radod .Festivalil voib lugeda runoid , kargaita , pajatada , väta instrumentoil , ezitada penikaižid teatrezitusid – ken midä mahtab .Pidab sanuda , miše voziden sirttes ühtnikoiden mahtod kazvaba , vaumištadaski festivalikš , tegijoiden sanoiden mödhe , kaik tarkemba .
Täl vodel "Tähtazvihm "-festivalihe ühtni 35 last .Nece om seičeme joukud .Perehed tuliba Kalag’ -, Kvarcitnii -, Ladv -, Därvenoja -, Derev’anka -, Meliorativnii -, Novaja Vilga - külišpäi .Erašti festivalihe ühtneba perehed Petroskoišpäi-ki .
Žürijouk , miččes oliba openduz - da kul’turorganizacijoiden radnikad , valdmehed , lapsiden vanhembiden kundan ezitajad , arvosteli ühtikoiden ezitusid seičemes nominacijas .Vägestajid kaikuččes nominacijas voib kacta Šoutjärven školan internet-lehtpolel .Kaik festivalin ühtnikad saiba lahjoid muštoks .
– En voi sanuda , miše meiden festival’ om voibištelend . Tägä kaik tugeba toine tošt i vägestuz ei ole pätegend .Homaičin , miše meiden adivod tuldes fesivalile ozateleba toine tošt čomanke praznikanke .Olen ihastusiš , miše "Tähtazvihm " tegihe heiden täht praznikaks , – sanub L’udmila Sergejeva .
Ei jänugoi lahjoita festivalin tegijad-ki .Ozutesikš , perehjouk Ladvaspäi lahjoiči Šoutjärven lapsiden päivkodile pohjoižvenän paginan ladvilaižen alapaginan vajehnikan .Festivalil-ki pereh lugi "R’abakanaine "- sarnan necil alapaginal , mil lujas čudutoiti da ihastoiti kundlijoid .
Muga hüvin mäni da lopihe "Tähtazvihm "-festival’ Šoutjärves .Toižel vodel festival’ praznuičeškab penen jubilejan .Festivalin tegijad toivoba , miše tulijal vodel ühtnikoid linneb völ enamba .
Šoutjärves mäni tradicionaline “Tähtazvihm”-festifal’
Veps
New written Veps