Texts
Return to list | edit | delete | Create a new | Statistics | ? Help
Galina Baburova. Tundištoituzurokad Karjalas lapsiden täht
Galina Baburova
Tundištoituzurokad Karjalas lapsiden täht
Veps
New written Veps
Karjalan
rahvahiden sebruden kodi jatktab ičeze tundištoituzurokoid lapsile .Täl kerdal "Sebruden urokad " mäniba Šokšun da Šoutjärven školiš .
Kaikuččel vodel Karjalan rahvahiden sebruden kodi tegeb "Sebruden urokoid ", miččil tundištoitab päazjan augotižškoliden openikoid Karjalan rahvahiden kul’turanke .Ei amu mugoižed urokad mäniba Šokšun da Šoutjärven školiden 3.–11. klassoiden openikoiden täht .
3.–6. klassoiden openikad oli jagetud joukuihe . Kaikuččele joukule pidi olda koumel azotesel – specialižel stancijal , – a sid’ tariž oli antta estafet toižele .Programmaha mülüiba vepsän kelen mastar’-klass "Kipinä "-kulehtesen radnikoilpäi , tundištoituz Karjalan rahvahaližiden muzikaližiden instrumentoidenke , karjalaižiden vändoidenke da karguidenke ."Kipinän " radnikoišpäi tundištoituzmatkale läksiba taidehtoimitai Ol’ga Demidova , pätoimitai Jana Filimonkova i vepsänkeližiden nomeroiden toimitai Galina Baburova .
Ühtel azotesišpäi karjalaižiden karguiden da vändoiden erigoičusiš starinoiči kargaidai Irina Kudr’ašova .Lapsed iče kargaižiba vähäižen Irina Viktorovnan ohjandusel .
Toižel azotesel "Kičči-kočči "-ansambl’an ohjandai Alina Kartinen jagoihe lapsidenke udel metodikal , kut kebnemba opetas vändmaha muzikaližel instrumental .
– Minä starinoičin lapsile Karjalan muzikaližes kul’turas da rahvahaližiš instrumentoiš . Enamba kaiked starinoičin kanteles .Mugažo ühtes lapsidenke mö openzim ühten runon Kalevalaspäi da "Säkki , Varvakki "-vepsläižen pajoižen .Sid’ lapsed iče vändiba niid kantelel , – starinoiči Alina .
Koumandel azotesel "Kipinä "-kulehtesen radnikad vediba mastar’-klassan – "Uništusiden bankaine ".Lapsed starinoičiba ičeze planoiš da tahtoiš tulijaks kezaks , kirjutiba ned vepsäks lehtesile , a nene lehtesed klejiba bankaižele bumagaspäi .
– Om čoma mänetada aigad lapsidenke . Mö opendamoiš toine toiželpäi .Hö libutaba meiden hengid uzihe idejoihe , – sanui Jana Filimonkova .
9.–11. klassoiden openikoiden täht tehtihe kviz . Sil openikad andoiba vastusid küzundoihe , miččed koskeba Karjalan igähižid rahvahid , heiden veroid da tradicijoid .
Täl kerdal Karjalan rahvahiden sebruden kodin azjtegoihe kaiked ühtni 70 last .
Karjalan Rahvahiden sebruden kodi jatktab ičeze tundištoituzurokoid Karjalan polhe lapsiden täht .Toine ningoine vastuz mäneb jo pigai Kondopogas .
Tundištoituzurokad Karjalas lapsiden täht
Veps
New written Veps