Texts
Return to list | edit | delete | Create a new | Statistics | ? Help
Irina Sotnikova. Keväz’pästuz Kalagen školas
Irina Sotnikova
Keväz’pästuz Kalagen školas
Veps
New written Veps
Keväz’pästuz om
aig , konz voib ei vaiše lebaitas openduzkirjoišpäi , no i hüvin mänetada aigad sebranikoidenke , sada uzid melentartuižid tedoid ičeze röunas , opetas mihe-se udehe , tehta lahjoid armhiden ristituiden täht , tundištadas uziden ristituidenke , sada hüvid tundmusid erazvuiččiš azjtegoišpäi .
Ani mugoine lebuaig oli kalagelaižil openikoil .Kalagen školan opendajad vaumištiba lapsiden täht melentartuižen programman .
Ühtes Kalagen kul’turpertin radnikanke L’ubov’ Bobinanke openikad čuklautihe Karjalan kul’turaha .L’ubov’ Jevgenjevna vaumišti lapsiden täht vändon , miččen aigan lapsed ozutiba hüvid tedoid kodiröunan londusen , istorijan da tradicijoiden polhe .Jäl’ges lapsid varasti mastar’-klass , miččel hö ičeze käzil tegiba pohjoižen kaičijan .Kaikuččel openikal tuli unikaline muštlahj , ved’ hö paniba sihe ičeze hengen da lämäd .
Kuni ühted lapsed tegiba sädandradoid , toižed ühtniba "Avaidusiden keskes "- tedokonferencijaha , mitte mäni Šoutjärves .Nikita Fadejev i Jekaterina Pol’akova hüvin ezitiba tedotöid , ozatelem openikoid i heiden ohjandajad Anastasija Andrejevnad Mal’kovad !
Kaikutte päiv toi lapsile midä-se ut .Openikoil oli voimuz opetas tehmaha muilad ičeze käzil .Neičukaižed tegiba muilad erazvuiččil formil ei vaiše ičeleze , no mamoile , tatoile , baboile , dedoile , sizarile da vellile .Mugažo lapsed openzihe tehmaha čoman hebon džutaspäi .Kaik mel’düiba radho – sidoiba , čomenzoitiba , – i tuliba čomad , mugoižed erazvuiččed hebod .
Kut om hüvä lebaita veresel il’mal !Necil vodel aigaline läm’ keväz’ ihastoiti kaikid .8. klassan openikad ičeze klassopendajanke Jelena Mihailovna Kirilinanke läksiba lebumatkaha Änižen randale , kus hö voiba ihastelda čomad kodilondust , pagišta hengeližesti da söda magedusid .
Keväz’pästuz lopihe surel ihastusel .Kalagen školan openikad Irina Mironova i Karina Grigorjeva satusekahašti eziniba "Eläb klassik " -Ühthižvenälaižen lugijoiden konkursan regionaližel etapal .Karjalan parahimiden lugijoiden keskes neičukaižed ozutiba hüvid satusid : Irina tegihe konkursan lahjansajaks , Karina sai žürin eriližen lahjan .Nece om sur’ ülenduz školan täht , ozatelem neičukaižid da opendajid !
Keväz’pästuz lopihe , no niid tundmusid , melid , tedoavaidusid , uzid mahtoid , miččid saiba lapsed , jäb igäks .Mugoižed täuded lebupäiväd ozutaba sihe , miše škol ei ole sija , kus vaiše opetas , – nece om sija , kus lapsed sebrastaba , kehitoitase , tundištase sädandmirunke , tegeba tedoavaidusid , opendase kaičemha kodiröunan kul’turjäl’gestust .
Keväz’pästuz Kalagen školas
Veps
New written Veps