Texts
Return to list | edit | delete | Create a new | Statistics | ? Help
Ol’ga Dubitskaja. Vieljärven ”Tähkäine”
Ol’ga Dubitskaja
Vieljärven ”Tähkäine”
Livvi
New written Livvic
Vieljärves
, paiči Karjalan Kielen Koin teatrua , vie on Vieljärven školan tyttiteatru .Sen nimi on "Tähkäine ".
Tähkäine-teatru on perustettu vuvvennu 2015.Sen ohjuajannu da alguhpanijannu on nuori vieljärveläine karjalan da suomen kielen opastai Julija Ponomar’ova .Konzu Julija opastui Petroskoin valdivonyliopistos , häi iče kuuzi vuottu kävyi karjalazeh Čičiliušku-tyttiteatrah .Yliopiston loppiettuu , häi tuli järilleh roindukyläh Vieljärveh školah ruadamah .Školas Julija ruadau jo kolmattu vuottu vuvves 2014.
Vuvvennu 2015 Priäžän kyläs piettih Karjalaine suarnu -festivuali , kuduah yhtyttih Julijan opastujat .Silloi hyö ozutettih Kirjavu kanaine -tyttispektaklin .Muga oli pandu alguh Vieljärveh Tähkäine-tyttiteatru .
Täl aigua teatrah kävyy konzu viizi , konzugo seiččie hengie .Juuri nygöi teatras valmistetah Jänöin kyynälet -spektakli .Hos teatras on kaikkiedah kaksi spektaklii , ga net ollah karjalan kielel .
Julijan ičeksehopastundan tiemannu on kižamuodoloin käyttämine karjalan da suomen kielen urokoil .Teatru avvuttau Julijale ičeksehopastuo da opastua lapsii karjalan kieleh .Teatran ohjuajan mieles opastua kieleh kižaten on kebjiembi da vesselembi .
Pidäy sanuo , ku neidine ruadau teatras ilmai palkua .Da häi iče , omah den’gah ostau tyttilöi spektaklih niškoi .
– Širman luajimmo "kogo kyläl ", sanou Julija .
– Muamo andoi materjualua , tuatindam laudua pilai , käziruavon urokan opastai yhtes opastujienke kerättih širman da lapset kriepittih sih materjualu . Enzimäzes spektaklis meil nimidä , paiči širmua , ei olluh .Jänöin kyynälet -spektaklih näh myö tahtommo iče luadie dekoratsiet – kodi , kuuzet da muudu .
Lapset hyväl mielel kävväh teatrah da opastanduvuvven allus hyö iče kyzyttih , rubieugo ielleh ruadamah tyttiteatru .Nygöi teatras on kaksi repetitsiedu nedälis .Niilöil lapset opastutah roulit , vallitah muuzikkua spektaklih niškoi .
Julija Ponomar’ovan pluanois on ozuttua teatrah kävyjile lapsile Karjalan tazavallan tyttiteatru , kui sie ruatah ozuttelijat , mittuzet tytit ollah teatras .Vie häi tahtou ozuttua lapsien valmistettuloi spektakliloi toizien kylien eläjile – kävvä ozuttelumatkoih .
Julija čuhkai minule peitoči , ku paiči tyttiteatran kehittämisty , hänel muitegi on suuret pluanat kyläs eläjes , ga kaikile häi sanelou niilöis , konzu net mennäh todeh .Anna muga rodieugi !
Vieljärven ”Tähkäine”
Livvi
New written Livvic