Texts
Return to list | edit | delete | Create a new | Statistics | ? Help
Elina Potapova. Armas talo armahas kyläs
Elina Potapova
Armas talo armahas kyläs
Livvi
New written Livvic
Anuksen
piirin Mägriän kyläs jo kuvvettu vuottu ruadau neroloin paja "Armas talo ".
Paja rodih kylän kul’tuurukeskuksekse , sie pietäh erilazii vastavuksii paikallizet yhteiskunnallizet liitot , karjalazien syömizien ruadopajoi , školaniekoile pietäh käziruavon urokkoi da sanellah karjalazien kul’tuuras da perindölöis .
"Armas talo " on sijoitannuhes suureh kaksikerroksellizeh puuhizeh taloih . Anuksen piirin Mägriän kyläs jo mondu vuottu ei ole omua kul’tuurutaloidu .Enne se toimi endizen kirikön tilois , ga vuvvennu 2013 taloi uvvessah annettih jeparhieh .Kolme vuottu tagaperin kyläs ruvettih nostamah uuttu suurdu kul’tuurutaloidu .Ga ruado käis ei lähte , ruadojoukot vai muututah – taloi ei ole valmis ottamah vastah gostii .Mägriän kylän kul’tuurukeskuksekse on roinnuh "Armas talo ".
Vuvvennu 2016 perustettih Mägriän karjalazet - alovehelline yhteiskunnalline ičehalličus .Aktiivizet kyläläzet piätettih perustua mitahto keskus , kus voidas kerävyö neroniekat , pidiä ruadopajoi da muite vastavuo .Primietäl oli kaksikerrokselline taloi , kuduan eläjät muutettih toizeh taloih valdivollizen programman mugah .Karjalan rakendusministerstvas kačottih riiččie vahnu taloi , ga Mägriän kyläkunnan administratsien piälimäine Alevtina Kozlova kehoitti virgumiehii säilyttämäh sidä .
– Minä kučuin paikallizii neroniekkoi kaččomah taloidu – voibigo panna se kundoh ? Taloi oli aiga hyväs kunnos , pidi vai muuttua alavenčat da panna levole uuzi šiiferi , saneli Alevtina Kozlova .Kaksikerrokselline taloi nostettih vuvvennu 1905 – päivymiäry oli kaiverdettu erähäh venčah .Taloin toine puoli nostettih 1950-luvul .
– Suuren Ižänmuallizen voinan aigua talois ruadoi suomelaine škola . Voinan jälles talois oli školan tyves ruadai internuattu , kus opastui lähikylien lapsii , kai Luadogan rannalpäi oli opastujii , sellitti Alevtina Kozlova .Internuatan salvattuu talois annettih fatierat školan opastajile .Jälgimäzien eläjien lähtiettyy elämäh uudeh taloih , taloidu ruvettih panemah kundoh , ku sijoittua sinne "Armas talo ".Kylän kul’tuuruelaigu sai uvven hengähtyksen .
Armas talo armahas kyläs
Livvi
New written Livvic