Texts
Return to list | edit | delete | Create a new | Statistics | ? Help
Jelena Ruppijeva. Kniigu melliččyniekas nägi päivänvalgien
Jelena Ruppijeva
Kniigu melliččyniekas nägi päivänvalgien
Livvi
New written Livvic
Priäžän
Vmeste-fondu piästi ilmah kniigan da luadi ozuttelun Kindahan kylän melličäs da melliččyniekas Kuzma Trifonovas .Kniigan ezittely da ozuttelun avuajazet piettih Priäžäs da Jessoilas .
Vmeste-fondu mennyön puolentostu vuvven aigua on todevutannuh suurduHistourien ratas -projektua .Sih kannatustu suadih Ven’an piämiehen kul’tuurualguhpanoloin fondaspäi .Täl aigua projektu on loppuvaihies da sen tuloksennu rodih uvven kniigan ilmahpiäständy da ozuttelun luajindu Kindahan kylän uidajas vezimelličäs da sen ižändäs Kuzma Trifonovas .Kindahan kylänvezimelliččy : dokumentat , materjualat , mustelut -kniigu nägi päivänvalgien kezäkuun lopul .Sen ezittely piettih Priäžän etnokul’tuurukeskukses dai Jessoilas , kus eläy kindahalazen melliččyniekan jälgelästy .
Tutkijoin sellitykset
Ubouudeh kniigah kuuluu mondu ozua .Enzimäzes , jälles luadijoin algusanoi , on Karjalan tutkijoin Aleksandr Krivonoženkon , Jekaterina Zaharovan , Litvin Julijan tiedokirjutus melliččöin roulis Ven’an muanruadajien elokses .Sit luvet , ku vuvvennu 1916 Karjalas kirjoile oli pandu 377 melliččiä , niilöis 267 (71%)oldih vezimelličät da 110 (29%) tuulimelličät .Tiijustat sen , ku midä suurembi oli melličän jauhokivi , sidä enämbän jauhuo sai sil jauhuo .Mieldy kiinittäy se šeikkugi , ku vil’l’an jauhondu oli karjalazes kyläs kaikis ruadolois tulokkahin da jätti jällele sepän ruavot .Verduamizekse tutkijat tuvvah vuvven 1910 tiedoloi ,konzu Karjalas oli pandu kirjoile 640 melliččiä , niilöis ruadoi 607 hengie da niilöin tulot oldih mainitunnu vuon 28 870 rubl’ua .Sil samazel vuvvel meijän aloveheloli 295 pajua , niilöis ruadoi 384 hengie da niilöin tulot oldih 23 539 rubl’ua .
Karjalan kylis melliččyniekkua , kui paimoidu da seppiägi , piettih tiedoiniekannu .Hänel , ku melliččy putilleh ruadanus , pidi maltua sobie vienižändänke .Tädä sobimustu melliččyniekal ei suannuh rikkuo , lienne rikkonuh – pahua pidi vuottua .Ven’an pohjazen tutkimukset ozutetah , ku melliččy oli miehien paikannu , sinne ei suannuh kävvä naizil da lapsil , melliččyniekatgi oldih naimattomat , Karjalan kylih nähtehäi moizii tiedoloi ei lövvetty .
Trifonovan löytty omaeloskerdu
Kniigan ainavoluaduzennu puolennu voibi pidiägi Karjalan kanzallizes arhiivas löyttyy Kuzma Trifonovan omaeloskerdua da projektan aigua hänen jälgeläzis kirjutettuloi musteluloi .Kindahan kylän uidajan vezimelličän luadijan omaeloskerdu oli kirjutettu , konzu händy opittih sanuo kulakakse da häi puolisti iččie nämmis viäritändöis .Tämä omaeloskerdu on kogonah painettu kniigah jo uvvessah pečatoitunnu da alguperäzenny dokumentannu .
"Ijän kaiken muanruadai Kuzma Trifonov ruadoi heittelemättäh , ku suas elättiä oman suuren perehen , avvutti F’oudor-vellele . Konzu velli otettih armieh , otti hoijettavakse hänen akan da alaigäzet lapset .Konzu talovus lujeni , häi jätti vellele tuatoušinan da muamoišinan koin , ičehäi muutti elämäh uudeh iččeh nostettuh kaksikerroksizeh taloih .Tämä taloi tässäh seizou kyläs .
Kuzma Trifonov rodih hyväkse talovuonvedäjäkse , harjaitti lapsii ruadoh , händy kunnivoittih kyläläzet .Händy uskottih , sendäh vallittihgi Kogo Karjalan nevvostoloin kerähmön deleguatakse .Sie vuvvennu 1921 vikse tuli hänele mieleh nostua omah kyläh vezimelliččy , sildy ku lähimäzet melličät hänen sanoin mugah oldih 30 kilometrin piäs kyläspäi .Yhtes poigienke häi rubeigi sidä ruadamah .Vuvvennu 1922 melliččy algoi oman ruavon .Sil sai jauhuo 10-20 puudua jauhuo päiväs da sen tulot kuus voidih olla 20 rubl’ua , ku melliččy oli ruadanuh tävvelleh ," luvet kniigas .
Uudeh kniigah on painettu Kuzma Trifonovan da hänen perehen kuvua .Niilöi suau nähtägi projektan aigua valmistetus ozuttelus , kuduah jo sai tuttavuoPriäžäs da Jessoilas .
Kindahan kylän vezimelliččy : dokumentat , materjualat , mustelut -kniigan painandumiäry on 500 palua , se juatahgi Kuzma Trifonovan jälgeläzile .Projektan todevuttajat uskotah , ku uuzi ilmah piästetty kniigu rodieu hyväkse opastusnevvokse niilöile , ken on kiinnostunnuh oman rannan histourieh .
"Eloksen ratas "
Eloksen ratas -projektan todevuttajannu on Priäžän Vmeste-fondu da Kindahatprojektan todevuttajat Julija Tolmačova da Svetlana Hrebtova .
Projektan aigua oli pietty kindahalazen melliččyniekan Kuzma Trifonovan jälgeläzien vastavuspido Kindahan kyläs mennyt vuvven oraskuul .Sih tuli nelli sugupolvie , vahnimal Trifonovan sugulazel oli 89 vuottu , nuorimal kaksi vuottu igä .Tämän vuvven pakkaskuul Kindahan kyläh oli avattu melliččykompleksu , kudamas suau kaččuo kylän uvvessah nostettuu melliččiä .Melliččykompleksan avuandakse oli valmistettu Kui kindahalazet jauhuo jauhottih-spektakli .
Kindahan kylän ainavoluaduzes uidajas melličäs da sen ižändäs on piästettyilmah kniigu , luajittu pieni fil’mu da fotokuvien ozuttelu .
Kniigu melliččyniekas nägi päivänvalgien
Livvi
New written Livvic