Texts
Return to list | edit | delete | Create a new | Statistics | ? Help
Jelena Ruppijeva. Priäžy: Ižänmuan puolistajien mustuo kunnivoijah
Jelena Ruppijeva
Priäžy: Ižänmuan puolistajien mustuo kunnivoijah
Livvi
New written Livvic
Syvyskuun
5. päivy Priäžän piiris on sanottu 313. ammundudiviizien mustopäiväkse .Mennyt nedälil sinä piän Priäžän kyläs rahvas kerryttih velleskalmalluo mustelemah Suurel Ižänmuallizel voinal kuadunuzii .
Priäžän kyläs mustellah da kunnivoijah Suurel Ižänmuallizel voinal kuadunuzii .Paiči mostu suurdu pruazniekkua kui Voitonpäivy kyläs pietäh Karjalan da Priäžän vihollizes piäständypäivii , Nevvostoliiton urhomiehen Marija Melentjevan roindupäivänny 24. pakkaskuudu kerävytäh hänen mustopaččahalluo da syvyskuun 5. päivänny mustellah 313. ammundudiviiziedy , kudai ihan Suuren Ižänmuallizen voinan allus autoi Petroskoin linnale evakuiiruijakseh .Vuvvennu 2010 Priäžän kanzallizen piirin nevvoston käskys 5. syvyskuudu rodih tämän diviizien mustopäiväkse .
– Tämä 313. ammundudiviizii oli perustettu 15.-20. heinykuudu vuvvennu 1941 Urualan sodaokrugas . Se 7. Erillizeh Armieh kuulujannu tuli Karjalan frontale 5. syvyskuudu vuvvennu 1941.Karjalan frontan sodanevvosto oli piättänyh työndiä 313. ammundudiviizien Ruskieh Priäžäh , kudai oli tärgienny kohtannu Petroskoidu puolistajes .Yksi joukko saldattoi oli työtty Matrosan kylän lähäle , toine – Priäžän lohkole 168,5 korgevuole .Jo 6. syvyskuudu net yhtyttih bojuh .Kolme nedälii hyö pieteltih vihollistu , annettih mahton evakuiiruija Petroskoin linnan tevolližuslaitoksii da petroskoilazii , sanelou Priäžän školan Bojukunnivon muzein da Priäžän etnokul’tuurukeskuksen johtai Tatjana Seppänen .
Silloi syvyskuun päivinny kuadui ylen äijy meigälästy saldattua , äijät kavottih viestittäh .Tiedoloin mugah , vaiku 12.-13. syvyskuudu ruanittuloi da tapettuloi oli 430 hengie , viestittäh kavonnuzii – 733.Estafeta pokolenii -eččojoukko joga vuottu pidäy eččoruadoloi da panou muah kuadunuzien saldattoin jiän nöksii .Tämän joukon hyvyös Priäžän piiris oli avattu Korgevus 168,5 -mustokohtu da Kunnivomätäs Villumäin kyläs .Korgevus 168,5 -mustokohtah avattih sežo časounu eččojoukon kerättylöih dengoih .Časounu on ainos avvoi da sih , kui Korgevus 168,5 mustokohtah da Kunnivomättähäle ainos kävyy rahvastu , heijän joukos nämmil lohkoloil kuadunuzien saldattoin omahizii .
– Priäžän školas ruadau Bojukunnivon muzei , sit on 313. ammundudiviiziele omistettu ozuttelu . Muzei kirjazien kauti pidäy yhtevytty Priäžän lohkol kuadunuzien saldattoin omahizienke , auttau heile löydiä omahizen muahpanendupaikat , sanelou niilöin urhotevos , kedä hätken aigua piettih viestittäh kavonnuzinnu .Äijät perehet , loittovimis Ven’an kolkis , tullah meile Priäžäh kumardumah omahizien mustole , jatkau paginua Tatjana Seppänen .
313. ammundudiviizii
313. ammundudiviizii oli piästämäs Petroskoin , Karhumäin , Suojärven linnoi . Petroskoin piäständäs sille oli annettu Petroskoin ammundudiviizii -kunnivonimi .Jälles Suomenke allekirjutettuu rauhusobimustu 313. ammundudiviizii 19. armieh kuulujannu oli työtty Pohjas Pol’šah .Sen avul 28. kevätkuudu 1944 oli piästetty Gdin’a-linnu , kus kuavuttih enimät diviizien saldatat .Nevvostoliiton Korgeviman nevvoston 19. kezäkuun 1943 käskys 313. ammundudiviizii oli palkittu Ruskien Flavun kunnivomerkil , kevätkuul vuvvennu 1945 – Suvorovan II astien kunnivomerkil , sulakuul 1945 – vie kerdu Ruskien Flavun kunnivomerkil da Kutuzovan II astien kunnivomerkil .
Priäžy: Ižänmuan puolistajien mustuo kunnivoijah
Livvi
New written Livvic
313.
Серебрянникова Оксана Николаевна
Пряжа: память защитников Отечества чествуют
Russian
24