VepKar :: Texts

Texts

Return to list | edit | delete | Create a new | Statistics | ? Help

Jelena Ruppijeva. Poudupäivy toi hyviä mieldy sportuiččijoile

corpus: Journalistic texts

Source:
Oma mua. № 37, 2023, p. 3

Jelena Ruppijeva

Poudupäivy toi hyviä mieldy sportuiččijoile

Livvi
New written Livvic
Mennyt suovattan, 23. syvyskuudu, Priäžäs piettih Kanzan juoksukrossu. Sih otti ozua enämbi 300 eri-igästy sportuiččijua eri Priäžän piirin kylispäi.
Tämä syvyskuun suovattupäivy oli täh vuvvenaigah niškoi ylen lämmy da poudu. Rahvas mielihyväl tuldih juoksemah da kävelemäh keppilöinke. Sportutapahtumat Priäžäs ainos kerätäh äijy rahvastu, ga sinä lämmänny poudupäivänny heidy ozuttihes buito ku oli endisty enämbäl. Päivykodiloin kazvatit, školaniekat, täyziigäzet da ruavahat Priäžäspäi da lähi kylispäi tuldih ottamah ozua täh Kanzan juoksukrossah.
Pivon allus Priäžän kanzallizen piirin piälikkö Oksana Gavroš kiitti da palkičči piiris sportan hyväkse ruadajii rahvahii da sportuiččijoi. Heijän joukos oli Priäžän sportuškolan opastai Valerii Kononov, kudamal on 82 vuottu igä da kudai aktiivizesti yhtyy kaikkien sportupidoloin järjeständäh da piendäh Priäžän kyläs. Tänävuon rodih 65 vuottu sit aijas, kui häi on alganuh oman ruadotaibalehen. Sit aijas häi on kazvatannuh ylen äijän nerokastu sportumiesty.
Enzimäzinny Kanzan jouksukrossah yhtyttyih päivykoin kazvatit, ei hyö äijiä juostu, ga hyviä mieldy suadih kylläl. Heijän jälles juoksemah tuldih školan kaikkien kluassoin opastujat da sit täyziigäzet rahvas. Täs Kanzan juoksukrosas oli pietty keppikävelijöin kilvatgi. Kilvoin loppiettuu lapset suadih magiet lahjat, a kai voittajat oli palkittu.
Sinäpiän Priäžän joudoaijan da luomisruavon keskukselluo, kus piettih Kanzan juoksukrossu, oli järjestetty mielenkiinittäi programmu lapsih niškoi. Hyö kižattih, tansittih, ajeltih karusellil da pienil mašinazil, hypittih batutoil, käydih kaččomah lyhyzii Jeralašfilmoi kinoteatrah. Magei čuaju lettuloinke, kudai ainos on priäžäläzis sportupidolois, sežo oli kaikile mieleh.

Серебрянникова Оксана Николаевна

Ясный день принес радость спортсменам

Russian
В минувшую субботу, 23 сентября, в Пряже состоялся Национальный кросс. Он собрал более 300 спортсменов разного возраста из разных поселений Пряжинского района.
Эта сентябрьская суббота была особенно теплой и ясной для этого времени года. Люди с удовольствием пришли побегать и погулять с палками. Спортивные события в Пряже всегда собирают много народу, так что в теплый день их казалось больше, чем было раньше. Воспитанники детских садов, школьники, взрослые и пожилые из Пряжи и соседних поселений приехали принять участие в этом Национальном кроссе.
В начале праздника глава Пряжинского национального района Оксана Гаврош поблагодарила и наградила людей и спортсменов, работающих в районе на благо спорта. Среди них преподаватель Пряжинской спортивной школы Валерий Кононов, которому 82 года и он активно занимается спортом, присоединяется к организации и проведению всех спортивных мероприятий в Пряже. В этом году исполнилось 65 лет с момента начала его профессиональной карьеры. С тех пор он воспитал невероятно много талантливых спортсменов.
Первыми к Национальному кроссу присоединились воспитанники детского сада, не так много бегали, но хорошего настроения хватило. Вслед за ними бежать пришли учащиеся всех классов школы, и затем взрослые люди. Здесь, в рамках национального кросса провели соревнования по ходьбе с палками. После завершения соревнований дети получили сладкие подарки, а все победители были награждены.
В тот день у центра досуга и творчества в Пряже, где проходил забег, была организована интересная программа для детей. Они играли, танцевали, катались на каруселях и маленьких машинах, прыгали на батутах, смотрели "Ералаш" в кинотеатре. Сладкий чай с блинами, традиционный на всех пряжинских спортивных мероприятиях, тоже понравился всем.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages