Texts
Return to list | edit | delete | Create a new | Statistics | ? Help
Jelena Ruppijeva. “Taidosuari” yhtisti kolme kanzallistu piirii
Jelena Ruppijeva
“Taidosuari” yhtisti kolme kanzallistu piirii
Livvi
New written Livvic
Mennyt
nedälin lopul , 13.-15. ligakuudu , Karjalas piettih alovehienväline teatralline Taidosuari-festivuli .Sen luadijannu da pidäjänny oli Pyhärven juuret -yhtistys .
Tämänvuodine teatralline Taidosuari-festivuali oli alovehienväline , sih tuli kolmetostu teatrujoukkuo Karjalan eri čuppuloispäi , Leningruadan , Tverin da Murmanskan alovehilpäi ."Taidosuaren " luadijat , Pyhärven juuret -yhtistys , täl kerdua oli piättänyh pidiä festivualii kolmes kanzallizes piiris : Anuksen , Priäžän da Kalevalan piirilöis . Festivualin avuajazet da salbuajazet oldih Petroskoin valdivollizes konservatouries , a ozuttamah omua neruo da omii valmistettuloi spektakliloi festivualin ozanottajat käydih eri Karjalan kylih , kaikkiedah yhtestostu kanzallizien piirilöin kylis rahvas suadih kaččuo spektakliloi da pienii ozutuksii karjalan , ižoran , eestin , vepsän da ven’an kielil .
Ičel puutui kävvä Anuksen piirih , Videleh da Alavozeh , kus ezityttih tverinkarjalazien Armahuš-teatrujoukko da Anuksen livvinkarjalazien muzein Eloksen ratas -teatru .Armahuš-joukko Tverispäi on vaste tänävuon perustettu , festivualis se ozutti oman enzimäzen Karjalaine bes’odu - ozutuksen tverinkarjalan murdehel .Ozutuksen aigah
artistat äijän pajatettih , lugiettih runoloi , arbaitettih arbaituksii .Enimät teatrujoukon artistat ollah Tverin Karjalan koivu -pajojoukon pajattajat , heijän kel ruadau L’ubov’ Dokučajeva .
– Minä jo kolme vuottu kävyn pajattamah "Karjalan koivuh ". Iče olen karjalaine , Tresnan kyläs rodivunnuh .Ennepäi en tiedänyh pajojoukos nimidä , ammui jo tulluzin pajattamah .Dovariššu nevvoi , sit tulingi .Olen kui omah pereheh puuttunuh , minuu ylen äijäl mielyttäy " Karjalan koivus " pajatandu .Nygöi omii bunukkoigi rubein
harjaittamah karjalan kieleh , pagizen heijän kel karjalakse , opastummo kirjaimii da sanoi , sellittäy Armahuš - da Karjalan koivu -joukon artistu Tatjana Ivanova .
Armahuš-joukonke yhtes Videles da Alavozes ezityttih anukselazet artistat .Eloksen ratas -teatru ruadau jo kolmattu vuottu .Sit aijas se on valmistannuh jo kolme spektaklii .Taidosuarifestivualis kaččojat suadih mieldyö anukselazien kolmandeh , tänävuon valmistettuh , Kylmil spektaklih , kudai on luajittu Vladimir Brendojevan da Vasilii Firsovan kerdomuksien mugah .Kolme eri istouriedu , sivotut yhteh kylmil olendu -tiemah , ylen äijäl mielytettih kaččojii .Hyö yhtytottu nagrettih , konzu kačottih , kui Nasti karkoitti omas koispäi vierastu koinižändiä , kui Outti muanitti ukkuo da vieraitti händy viinanjuondas da kui linnalaine inehmine ei voinnuh pon’ah puuttuo erähän hierulazen inehmizen dielolois .Artistoin puhtas karjalan kieli , heijän nerokas omien rouliloin ezitändy , teatran ohjuajan , Karjalan kul’tuurualan arvostetun ruadajan Natalja Romanovan ammatilline ruado – se nägyi ainos da ihastutti , ylbeilimmö sidä ruaduo da artistoin neruo .
Kaččomah teatroin ezityksii Videlen kodi-internuattah da Alavozen kul’tuurutaloih kerdyi äijy rahvastu , hyö lämmästi otettih vastah artistoi , kiitettih heijän ruavos oman kielen hyväkse da kučuttih vie käymäh .Paras lahju meijän artistoilehäi on se , konzu heidy ellendetäh da miellytäh heijän spektakliloih , sit on himo ruadua ielleh .
“Taidosuari” yhtisti kolme kanzallistu piirii
Livvi
New written Livvic