VepKar :: Texts

Texts

Return to list | edit | delete | Create a new | Statistics | ? Help

Jelena Ruppijeva. Priäžän škola täytti 185 vuottu

corpus: Journalistic texts

Source:
Oma mua. № 47, 2023, p. 3

Jelena Ruppijeva

Priäžän škola täytti 185 vuottu

Livvi
New written Livvic
Pruazniekkupido piettih mennyt piätteniččän, 1. talvikuudu, Priäžän joudoaijan da luomisruavon keskukses. Školan opastajat da opastujat eri ezityksien avul ozutettih školan histouriedu sen algupäivis täh aigassah.
Eriluaduzii pidoloi Priäžän školan suuren merkipäivän hantuzis ruvettih pidämäh äijiä enne pruazniekkua. Školan ruadajat tämän sygyzyn aigah verkos juohateltih rahvahale opastuslaitoksen histouries, sij oitettih fotokuvii da niilöin vuoh ezitettih školan endisty da nygösty ruaduo. Pruazniekkunedälil, mennyt tossargen, kaikin, kel oli himo, voidih tulla kaččomah, midä da kui ruatah školas. Sinäpiän školas joga kluasas oldih avvonazet urokat, kudamile mielihyväl tuldih opastujien vahnembat da omat. Loppihhäi pruazniekkunedäli suureh pruazniekkupidoh, kudai piettih mennyt piätteniččän, 1. talvikuudu, Priäžän joudoaijan da luomisruavon keskukses.

Pruazniekku rodih lämmy da mielenkiinittäi. Školan opastajat yhtes opastujienke da školan ystävienke eri ezityksien avul juohateltih školan histouriedu sen algupäivis nämmih päivissäh. Laval näimmö umbikarjalazii lapsii, kudamat školan avattuu, tuldih opastumah sih. Kuundelimmo enzimäzii opastajii. Kačoimmo, kui voinu muutti školan opastajien da opastujien ozat. Marija Melentjevan mustuo kunnivoičusruavot, pionieroin liikeh, oman kodirannan suvaičus, oma KVN-joukko, sportusuavutukset, vie vuvvennu 1976 kuuzi-vuodehizien lapsien školah otandu da opastandu – kai tämä oli juohateltu mennyön vuozisuan ruadolois kerdomuksien, pienien ozutuksien, filmoin, pajoloin, fotokuvien vuoh. Sit aijas sit siirryttih nygyaigah.
Tänäpäi Priäžän škola on nygyaigaine opastuslaitos, kudai on Petroskoin valdivonyliopiston perustehlaitoksennu, školas ruadau Idoine-keskus, äijy kerhuo da yhtymysty, ollah omat TV-uudizet verkos. Parahite vuozipäiviä enne, kahten jälgimäzen vuvven aigah, školas on pietty perustehelline kohendamine.
Priäžän škola
Vuvvennu 1945 Priäžän školale annettih Nevvostoliiton urhomiehen Marija Melentjevan nimi. Suuri vuitti Priäžän školan opastajis ollah tämän školan loppenuot. Tänäpäi školas opastuu 480 opastujua Priäžän, Pyhärven, Mangan, Matrosan kylispäi. Priäžän školan 56 loppenuttu sai kuldumedalin omas opastundas. Školan loppenuot ruatah eri aloil, heijän joukos on opastajua, liäkärii, tutkijua, artistua da toizih ammattiloih kuulujua.

Серебрянникова Оксана Николаевна

Пряжинской школе исполнилось 185 лет

Russian
Праздничный вечер состоялся в минувшую пятницу, 1 декабря, в Пряжинском центре досуга и творчества. Школьные учителя и учащиеся по-разному представили историю школы от ее первых дней до настоящего времени.
Особые мероприятия в честь юбилея школы в Пряже начали проводить задолго до праздника. Сотрудники школы в течение этой осени рассказывали в интернет сетях людям об истории учебного заведения, разместили фотографии, и с их помощью представили былую и современную деятельность школы. На праздничной неделе, в прошлый вторник, все желающие могли прийти посмотреть, что и как делается в школе. В тот день в школе в каждом классе прошли открытые уроки, на которые с удовольствием пришли родители и близкие учеников. Завершилась праздничная неделя масштабным праздничным мероприятием, которое состоялось в минувшую пятницу, 1 декабря, в центре творчества и досуга Пряжи.
Праздник получился теплым и интересным. Преподаватели школы совместно с учениками и друзьями школы с помощью различных презентаций рассказали историю школы с ее первых дней до наших дней. На сцене мы увидели карельских детей , которые после открытия школы пришли учиться этому. Слушали первых наставников. Посмотрели, как война изменила судьбы школьных учителей и учеников. Память о Марии Мелентьевой, пионерское движение, любовь к родине, собственная команда по КВН, спортивная дружба- , еще в 1976 году зачисление в школу и обучение шестилетних детей - все это было отражено в работах прошлого века с помощью рассказов, небольших презентаций, фильмов, песен, фотографий. Затем тема постепенно перешла в современность.
Сегодня Пряжинская школа - это современное учебное заведение, входящее в состав базового учреждения Петрозаводского госуниверситета, в школе работает центр "Идойнэ", много кружков и объединений, есть собственные теленовости в сети. В преддверии юбилея за последние два года в школе провели основательный ремонт.
Пряжинская школа
В 1945 году школе в Пряже присвоили имя Героя Советского Союза Марии Мелентьевой. Значительная часть преподавателей школы в Пряже - выпускники этой школы. Сегодня в школе обучаются 480 учащихся из Пряжи, Святозеро, Маньги, Матрос. 56 выпускников школы в Пряже получили золотую медаль за успехи в учебе. Выпускники школы работают в разных сферах, среди них учителя, врачи, исследователи, артисты и представители других профессий.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages