Texts
Return to list | edit | delete | Create a new | Statistics | ? Help
Jelena Ruppijeva. Teatralline toimindu kehittyy Priäžän piiris
Jelena Ruppijeva
Teatralline toimindu kehittyy Priäžän piiris
Livvi
New written Livvic
Tuhukuun
24. päivänny Pyhärven kyläs enzimästy kerdua piettih Teatralline marafonu , kudamah ozuttamah omua neruo tuli artistua Priäžän čupun enimis kylispäi .
Tuhukuun 28. päivänny on Priäžän kanzallizen piirin roindupäivy .Täkse päiviä piiris on valmistettu da pietty äijy piduo .Erähänny niilöis oli Teatralline marafonu , kudai piettih Pyhärven kyläs 24. tuhukuudu Priäžän kanzallizen piirin perustamispäiviä vaste .
Täh enzimäzeh Teatrallizeh marafonah tuli 91 artistua enimis Priäžän čupun kylispäi : Jessoilas , Vieljärves , Čalnas , Pyhärvespäi .Joga kyläspäi oli kaksi dai kolme teatrujoukkuo .Hyviä mieldy oli sendäh , ku artistat oldih eri-igähizet .Enzimäi lavale ozuttamah omua neruo tuldih lapset da nuoret , sit oli ruavahien artistoin vuoro ihastuttua kaččojii omil ozutuksil .Äijien ozutuksien pohjannu oldih karjalazet da ven’alazet suarnat da yksi runosuarnugi .Niilöi ozutettih karjalan da ven’an kielel nuoret ozuttelijat .
Pyhärven kul’tuurutaloih kerävynnyöt suadih kaččuo karjalazien Virzuine - da Puarmu da uuhet -suarnoin mugah luajittuloi ozutuksii .A Jessoilan kellozet -teatrujoukko valmisti ozutettavakse oman kirjutetun Pualikku-suarnan karjalan kielel .
Vie eräs nuorien ozutus oli omistettu karjalazile runoloile .Jessoilan školan lapset luajittih Siämärven runoloi -ozutuksen .Enne ozutustu mainittih , ku Siämärven rannoil eli ylen äijy nerokastu runonpajattajua .Oman ozutuksen hyö omistettih Angenlahten kyläs elänyöle Melanja Peskovale , kuduan roindas täydyy 140 vuottu .Hänes tutkijat kirjutettih runuo , balluadua , lapsien pajuo da častuškua .
Vahnemban polven ozutukset oldih jo pitkembät da vagavembat teeman mugah .Vieljärven Randaine-teatru ozutti Mendih buabat miehele -spektaklin karjalan kielel F’odor Bul’akovan ozutelman mugah .Pyhärven Lambiteatru valmisti ozutuksen Kindahan zuakkunoin mugah , a čalnalazet ihaškoitettih kaččojii karjalazen suarnan mugah luajitul Virzuine-spektaklil .
Teatrallizen marafonan aigua hyviä mieldy oli sendäh , ku enimät artistoin ozutukset oli luajittu karjalan kielel .Sidä sai kuulta nuores dai vahnembas polves .Äijät nämmis teatrujoukkolois ruatah jo monien vuozien aigah da ollah kuulužat omas piiris da sen ulgopuolelgi .Ga on moiziigi , kuduat vastevai ruvetah ruadamah , ollah teatrallizes toimindas enzimäzii askelii polgemas .
Se koskou Pyhärven nuorii ozuttelijoigi .Kyläs jo monien vuozien aigah ruadau karjalan kielen kerho , kudamas lapsii karjalan kielen lyydin murdeheh harjaittau Zinaida Matikainen .Ei ammui sit kerhos školan opastajat da opastujat valmistettih oman enzimäzen Virzuine-spektaklin lyydin murdehel .Ei nämmä artistat jiähä jällele omis vahnembis kolliegois – Pyhärven tundietun Lembi-teatran ozuttelijois , hyö hyväl karjalan kielel , maltajen ozutetah omii rouliloi .
Teatralline marafonu Pyhärves piettih Kanzallizen da alovehellizen poliitiekan ministerstvan kannatuksel .Marafonan pidäjät , Priäžän etnokul’tuurukeskus da Pyhärven kul’tuurutaloi , toivotah , ku se rodieu perindöllizekse tapahtumakse kyläs , olihäi enne kyläs pietty teatralline Radužka-festivuali .
Teatralline toimindu kehittyy Priäžän piiris
Livvi
New written Livvic