Texts
Return to list | edit | delete | Create a new | Statistics | ? Help
Valentina Libertsova. Biblioyön lämmin yhtevys
Valentina Libertsova
Biblioyön lämmin yhtevys
Livvi
New written Livvic
Anuksen
rahvahalline kirjasto alalleh kuččuu linnan dai piirin rahvastu , omii lugijoi mieldykiinnittäjih pidoloih , dai rahvas mielihyväl niilöih tullah .Täl kerdua myöhäzeh aigah kaččomattah sežo kerävyi läs nelliäkymmendy hengie .Kuni pimei tungihes ikkunoih , čomendetus huonukses haldivoičči vessel yhtevys .Pidoh tulluot kiistai mustoiteltih da arbailtih ven’an kanzoin rahvahien sävelmii , pajoloi , suarnoi , syömizii , perindölöi .Sidä , midä jo tiettih , terväh arvattih , unohtunuttu – mustoiteltih , uuttu tiijustettih .Moizet viizahat tiedokilvat varustettih Anuksen kirjaston nerokkahat da kunnollizet ruadajat .
Ozuttihes , gu kaččojien istundukohtat oldih vähäzel kruugan mugah , gu ennevahnallizis bes’odois .A "keskilattiel " punottih karjalazii kruugoi , pajatettih , tansittih da houkutettih kižoih Kummazet-pajojoukon naizet (ohjuaju Valentina Trofimova ).Heijän suuri programmu , kudai alalleh täyttyy , andau vallan yhtyö monih eriluaduzih pidoloih .Korgiet čomat iänet , avvoimielizet muhahtukset , kaunehet liikkehet – suletah kai pahat mielet , lämmitetäh jogahistu vilul siäl .
Tiettäväine , kaikis enimäl täs ilduvastavukses oli syvendymisty karjalazih taboih .Oli hyvä mieli kuulta , gu äijät rahvas mustetah da oigieh sanotah karjalazii sanoi , pajatetah yhtes "Kummažienke ", yhtytäh kižoih .A kaikis paras oli se hetki , konzu Zoja Nazarova pajatti ylen čoman Vladimir Brendojevan Smiettizin vai , kuldoi , tulet -pajon .Meijän piirishäi pietäh runoilijan vuottu da sih liittyjii pidoloi .Uskokkua libo älgiä , ga pajon lopus kirjastoh harpai Zojan ukko Leonid , buite gu kuuli vienot , igävät pajon sanat .Moizet kummat liityttih lämmäh Anuksen biblioyöh .
Biblioyön lämmin yhtevys
Livvi
New written Livvic