Texts
Return to list | edit | delete | Create a new | Statistics | ? Help
Nadežda Vasiljeva. Kuulu, kannel!
Nadežda Vasiljeva
Kuulu, kannel!
Karelian Proper
New written karelian
Piirin
kulttuuritalon näyttämöllä esiinnyttih kantelistien kanšanyhtyveh ta viisikielisen kantelen šoiton ihailijat .Artistat lahjotettih kaččojilla liikuttavie musiikki-iänie – vanhoja karjalaisie šävelie ta nykyaikasie jazz-ritmijä .On simvolista , jotta konsertti mäni niinä päivinä , konša vietettih Kalevalan piirin tunnetun rintamamiehen , musikantin ta šäveltäjän Veikko Pällisen 105-vuotisjuhlua .
Veikko F’odorovič omisti koko elämäh musiikilla .Vielä lapšena ollešša yheššä oman juohattajan , musiikin ta käsityön opaštajan kera hiän luati viulun ta opaštu šoittamah šillä .Šiitä hiän opaštu Petroskoin musiikkiopistošša ta ošallistu Šuureh Isänmualliseh šotah .Šovan jälkeh Veikko Pällinen myöšty šilloseh Uhtuoh ta kokonah anto omie voimie piirin kulttuurielämän kunnoštamiseh .Hiän johti kanšanteatterie , kuoruo , estradita ilmaorkesterie , ruato musiikkiohjuajana esikoululaitokšissa , opašti lapšien musiikkikoulušša .
Vuotena 1970 enši kertua piirin kulttuuritalošša rupesi kuulumah Veikko Fod’orovičin johtama kantelistien orkesteri .Še oli Karjalan enšimmäini harraštajakollektiivi , kumpani šoitti karjalaisie šävelie kantelella .Vahnoja šoittimie artistoilla anto Kantele-valtijonyhtyvehen kollektiivi .
Yli 50 vuuvven aikana Kalevalan kantelistien yhtyveh toimiu ta antau iluo kaččojilla .
Yhtyveheššä Veikko Pällinen kašvatti šamanmielisie , kumpaset kunnivoitetah oman opaštajan ta juohattajan perintehie .Karjalašša on hyvin tunnettu Ivan Kieleväisen nimi .Pahakši mielekši tuanoin hiän šiirty tuonilmasih .Mieš oli Pällisen enšimmäisistä opaštujista .
Kantelistien kollektiivin nykyni johtaja Jurii Gladišev niise oli ahkera opaštuja .1970-luvun alušša Jurii tuli harjotteluh ta jäi yhtyveheh .Nyt hiän johtau kollektiivie muutoman vuosikymmenen aikana .
Veikko Pällisen aikana , vuotena 1973 kalevalalaini kollektiivi šai kanšanyhtyvehen arvonimen .Šiitä alkuan joka kerran še tovistau oman arvonimen ta ylpiešti kantau šitä .
Männyöššä konsertissa kuulu Veikko Pällisen šävelie šekä Jurii Gladiševin tevokšie paikallisen runoilijan Andrei Tuomen runoloih .Yleisö kuunteli ihmetyttävie kantelen iänie , ošallistu niih , räpytti .Konsertti yhisti opaštajan ta opaštujan , a šen tunnettu Helky kannel -loppušävel henkilöičči kalevalalasien kantelistien kaikkija šukupolvija .
Kuulu, kannel!
Karelian Proper
New written karelian