Texts
Return to list | edit | delete | Create a new | Statistics | ? Help
Jelena Ruppijeva. Čalnalazet on tuldu voittajikse
Jelena Ruppijeva
Čalnalazet on tuldu voittajikse
Livvi
New written Livvic
Kilvan
enzimäine päivy algavui suovattan , 6. elokuudu , Kolatsellän kyläs Tulemjärven zavodan rudapuustos , kus samannu piän piettihgi jo perindöllizekse roinnuttu Pajattajat kivet -muuzikku-festivualii .Kilvan toizennu piän kilbuniekat kilbailtih Pyhärves .Kaikkiedah ozuttamah omua neruo kilbah on tulluh kuuzi perehty : kaksi pyhärvelästy perehty , yksi Čalnan kyläspäi da kolme Karjalan ulgopuolelpäi , Trverin alovehen Spirovan piirispäi , Leningruadan alovehen Lodienoin linnas päi daPiiterispäigi .
Tulemjärven rudapuustos pietty kilbupäivy mustoitti kuulužua Fort Bojard-kilbua .Sen aigah kilbuniekoil pidi ozuttua , mittumat vägevät , tarkat da maltajat hyö ollah piššalis ammundas , kiven lykindäs , sovvandas da kanuatan viendäs .Se oli mielenkiinittäi da vessel kilvan oza , kudai loppih meigäläzien da Karjalan ulgopuolelpäi tulluzien pajo-joukkoloin ezitykseh .
– Se on ylen čoma kohtu . Myö enzimästy kerdua olimmo Tulemjärven rudapuustos .Sit maksau pidiä moizii pidoloi kui tämä , sanoi Piiterispäi tulluh Neevo-joukon pajattai Tatjana Orlova .
KOLATSELLÄSPÄI PYHÄRVEH
Kilvan tossupiän Pyhärves suurel laval kilbuniekoil pidi ottua ozua Etnobatlah .Sih kuului kolme ruaduo .Enzikse kilbuniekat ozutettih , kui maltetah pajattua častuškoi , toizekse rahvas voidih kaččuo , mittumat hyö ollah nerokkahat tansijat da loppuruavokse kilvan luadijat kyzyttih heidy sanelemah omis perindöllizis ruutis .Čalnalazet Novikovat saneltih karjalazis vyölöis da ozutettih , midä kaikkie hyö on riputettu niilöih .Toizetgi kilbuniekat mainittih karjalazii sobii , paiči Piiterispäi tulluzii eestiläzii , Tolmačovien pereh ylen tarkah ezitti oman rahvahan ruuttii .A pyhärveläine Petrovien da Uljanovien pereh tämän kilvan ozan aigah vie arbaitti arbaituksii lyydikse .Vagavu arvostelujoukko , kudamah kuului Priäžän kanzallizen piirin piälikkö Andrei Orehanov , Priäžän kanzallizen piirin hallindon piälikkö Oksana Gavroš da Kanzallizen da alovehellizen poliitiekan ministerstvan kandurahvahien valdivollizen kannatuksen ozaston piälikkö Jelena Migunova , valličči kilvan kolme voittajua .Kilvan voittajakse on tulluh Novikovien pereh Čalnaspäi .Toizele sijale piäzi Babets-pereh Lodienoilpäi da komandele sijale puutui pyhärveläine Petrovien da Uljanovien pereh .Pereh + Fort Bojard karjalazeh luaduh -kilvan sai pidiä Ven’an piämiehen kul’tuurualguhpanoloin fondan kannatuksel .
Čalnalazet on tuldu voittajikse
Livvi
New written Livvic