Texts
Return to list | edit | delete | Create a new | Statistics | ? Help
Jelena Ruppijeva. Siämärven bohattu palitru
Jelena Ruppijeva
Siämärven bohattu palitru
Livvi
New written Livvic
Elokuun
allus Priäžän etnokul’tuurukeskukses rubei ruadamah Siämärven palitru -ozuttelu .Ozutteluh on pandu kačottavakse Jessoilan taidoilijoin kaksitostu kuvua – ihan sen verdu kui on vuvves kuudu , niilöin mugah ollah suadu omat nimetgi kyläläzien piirustetut kuvat .
Kuvien piirustajinnu ollah jo nerovunnuot paikallizet taidoilijat Darja Makarova , Julija Jankauskene , Valerija Persijantseva da Svetlana Mihailova .Heijän kuvis näet Siämärven čupun vahnoi karjalazii kylii eri vuvven aigua .Mieleh painutah da syväindy koskietah vahnat karjalazet taloit , čomat da puhtahat pihat , kaunehet časounat , tyynet järvet niilöin rannois azetettuloin venehienke , čomat kezäzet päivänlaskut da talvitroppazet .Niilöis on jogahizele omua .Net havačutetah ozutteluh tulluos vesseliä dai igäviä mieldy da mustuo .Vesseliä – ku näet sydämele omii karjalazii kylii , igäviä – ku elos nygöi äijis niilöis on sambumizilleh .
Ei sua silmii ottua pakkaskuun Čuiniemes , tuhukuun Ol’okas , kevätkuun Vahnas Jessoilas , sulakuun Särgilahtes , oraskuun Rubčois , kezäkuun Siämärves , heinykuun Korzas , elokuun Angenlahtes , syvyskuun Ahpoilas , ligakuun Ugmoilas , kylmykuun Lahtenkyläs , talvikuun Jovenkyläs .Net ollah čomat da omat joga vuvvenaigua .
Siämärven bohattu palitru
Livvi
New written Livvic