Texts
Return to list | edit | delete | Create a new | Statistics | ? Help
Kallis nahku
Kallis nahku
Livvi
New written Livvic
Dielo
on talvel .Lähtöy Kindahan mužikku Priäžäh goštih .Toizet sanotah hänel , štobi tiijustas , midä ruadoloi nygöi Priäžäs ruatah .(Huigei on joga kerdu mennä kyzymäh , Priäžän rahvas nagretah ).
Meni mužikku Priäžäh , a sie yhtes talois mužikalhebo töllöi , hebuo nylgöy !Kindahan mužikku sanou :
— Jumal abuh ruadajal !
— Hyvä abu , vastuau toine .
Mužikku ei voi tirpua , kyzyy :
— Midäbo , sanou , — nygöi talvel vevon aigah sinä hevon tapoit ?
— A , sanou , — hevonnahku on nygöi Petroskois kallis . Yhten hevon nahkas mondu hebuo voibi ostua .
Meil pošti kai hevot iškiettih .
Mužikku punaldih ylen terväh iäre kodih .Tuli kodih , omassah hevon iškeldi , rubei nylgemäh .(Eule aigua ehki toizil sanuo ). Tuldih kylän mužikat .
— Midäbo näit sie ? kyzytäh .
— A nygöi , sanou , — Priäžäs heboloi iškietäh ,
hevonnahku on Petroskois kallis . Dai minä iškin hevon , lähten nahkan myön , ostan mondu hebuo sijah !Davai hyö kogo kylän väil heboloi iškemäh .
Tuli kevät , a heil ni yhty hebuo , ei mil kyndiä .Keviäl lehmil kynnettih da ruadoloi ruattih .
Kallis nahku
Livvi
New written Livvic