Texts
Return to list | edit | delete | Create a new | Statistics | ? Help
Piiterih käyndy
Piiterih käyndy
Livvi
New written Livvic
Vot
Kindahan mužikat lähtietäh talvel Piiterih , kerävyi heidy arteli .Päivy kai ajetah huondekses ildah sah .Mennäh yökse kyläh , tullah taloih , yötilal .Iče paistah sie : — Riet pidäy , sanou , — kiändiä Piiterih päi , sit huondeksel tiijämmö , kunnepäi pidäy ajua .No hyvä .A briha bokas kuulou i tahtou nagrua matkalazien piäl .Hyö vai maguamah viertih , briha otti , kiänäldi kai riet kodih päi järilleh .Huondeksel hevot val’l’astettih , lähtiettih Piiterih ajamah .Ajetah , ajetah ga ajettih kyläh .Yksi sanou : — Rounogu egläi jo ajoimmo täs kyläs läbi !— Vähän sinä olet muailmua nähnyh , sanot nenga . Kylä kyläh koskeh !Ajetah kylä , toine , joi oma kylä nägyy .Jongoi sillal Šuojus yliči ajetah .— Ka tuas on , sanou , — ku rouno meijän sildu ! Ylen on pohoožoi .— Sildu sildah koskehhäi , eihäi yksi sildu ole mual , sanou . Ajetah kyläh .Jongoi toizet huaristetah : — Kylä on rounogu meijän , dai tuas on , sanou , — ku rouno meijän kodi .A meijän kylä on tämä !— Kylä kyläh koskehhäi , äijyhäi , sanou — on kyliä mual , dai taloi taloih koskeh . — Ka tuas on ku rouno minun akku , sanou , — nygöi sobii pezöy rannas ! — Akku akkah eigo koskei ! vai ielleh ajetah .Akku gu kuulouhäi , davai kirgumah : — Oho , propuaššoit , sanou , — kodihgo tuliitto , iäre ajoitto , da vie ni omua kyliä etto tunnusta ?Sit hyö Piiterih täl kerdua ei puututtu .
Piiterih käyndy
Livvi
New written Livvic