Texts
Return to list | edit | delete | Create a new | Statistics | ? Help
Oligo piä?
Oligo piä?
Livvi
New written Livvic
Yhtenny
kezän jiäviihes kylän ymbäril kondii .Kezäl žiivatoil meäs eule pokoidu .Duumaijah mužikat — talvel tapammo kondien , konzu pezäh menöy .Mugai ruatah .Lähtiettih talvel ohotal , otettih kirvehet — oružua heil ei olluh .Käveltih , käveltih mečäs , puututtih kondien pezäl .Paistah , kui nygoi kondii sie ajua iäre .Duumaijah , yksigi sanou : — A myö , sanou , — nenga ruammo : kentahto meis menöy pezäh , tartuu kondien jalgah libo piäh .Myö hänel nuoran sivommo jalgah i järilleh vejämmö nuoras kondien kel .Yksi sie soglassihes , sanou : — Minä lähten , da ku otan kondien käzih , sit jalgua lekahutan — työ vedäkkiä .Meni mužikku kondien pezäh , liččaiheze , tartui kondien käbäläh .A kondii röngähtih , riuhtai mužikal piän iäres .Mužikku jallal lekahutti .Toizet kaotah — jongoi kondien sai , davai vedämäh .Vejäldettih , kaotah — yksin mužikku , kondiedu eule .Kyzytäh : — Kusbo kondii on ?Mikse et vedänyh iäre ?Vaikkaine on .Ka otah mužikat , ga piädy eule .Paistah da mustoitellah , oligo ehki hänel piä , vai ni olluh ei .Nikui ei voija mustua .Lähtiettih kyläh , mužikan akan luo , eigo häi musta .Kyzytäh hänel :— Ga en , mužikkurukat , musta , oligo piä vai ei , a ku huondeksel stolas istui , huttuu söi , ga pardu lekui . A en , kullat , hyvin musta , oligo piä vai ei olluh !
Oligo piä?
Livvi
New written Livvic