Texts
Return to list | edit | delete | Create a new | Statistics | ? Help
Natalja Antonova. Karjalastu verdy tutkittavakse
Natalja Antonova
Karjalastu verdy tutkittavakse
Livvi
New written Livvic
Surgutan yliopiston
projektan tarkoitus on tutkie suomelas-ugrilazien rahvahien fiziolougizii da funksoinuallizii eroituksii .Kandu on se , ku meigävellet pitkät vuozisuat elettih yksil mualoil tiettylöis luonnon ololois sevoittamata roduu da verdy .Tiettäväine , se äijäl vaikuttau etnogeneezah da tervehyöh .
Priäžän piirin keskusbol’ničan varajohtajan Svetlana Osipovan sanoin mugah , nelli piirih kuulujua medpunktua – Priäžän , Vieljärven , Pyhärven da Čalnan – yhtyi tutkimusprojektah .
– Menimmö myödäi , konzu Surgutan tiedomiehet kyzyttih meidy auttamah . Hyö iče työttih omat probirkat , kai sellitykset dai iče käydihgi ottamah meijänmualazien verdy .Ellendämmö , ku tutkie rahvastu maksau , tavvinvastukset ollah puaksullizet dielot .Toivommo , ku tämän vuvven aigah suammo tutkimizien tulokset tiedokirjutuksien kauti .Olizimmo ruadi iellehgi yhtymäh moizih projektoih da suamah syvembii tuloksii da sellityksii .
Surgutan yliopiston tutkimusprojektas sanotah , ku tuloksien vuoh suau parandua kandurahvahien liečetiijollistu puoldu da tervehyön palveluloi , syvembäh tiediä riskat , kudamii oleskendelou vastesuaduloil lapsil libo konzu voimattomale ristikanzale ližätäh toizen ristikanzan verdy .Erikseh silmäle pietäh moizii verisistiemoi kui АВО , Rh , Kell da MNSs , sen piäle luonnonmugazii IgM-vastustusglobulinua ottajen čottah otetah mies vai naine olet .
Karjalastu verdy tutkittavakse
Livvi
New written Livvic