Texts
Return to list | edit | delete | Create a new | Statistics | ? Help
Uljana Maksimova (Tikkanen). Perehmusejo otti vaštah lapšie
Uljana Maksimova (Tikkanen)
Perehmusejo otti vaštah lapšie
Karelian Proper
New written karelian
Koululaiset
Piiteristä tutuššuttih karjalaisien kulttuurih ta istorijah , kačeltih vanhoja vehkehie ta kuot’eltih arvata mitä varoin niitä käytettih .
Smirnovien perehen karjalaini kotimusejo šijottuu Krasnoje selo -Piiterin ošašša missä on musejon isännän Vladimir Smirnovin kotitalo .
– Mie piätin kuččuo punukan luokan kostih tutuštumah meijän karjalaisen šuvun istorijah ta karjalaisien perintehih . Meilä oli tärkie näyttyä lapšilla , kuin pereh piätti kerätä tietoja istorijašta ta perintehistä ta šäilyttyä niitä tulijilla šukupolvilla , šelitti Vladimir Smirnov .
Musejon isäntä vietti opaš-retken musejošša ta šiitä kostitti kaikkija perintehellisillä kalitoilla , kumpasie paisto hänen L’udmila-naini .
– Konša lapši šuau tietuo omašta pereheštä , ni hänen yhtevyš šukuh tulou lujemmakši . Myö näkimä kuin šuurella rakkahuolla työ keryättä ta šäilytättä musejoesinehie , on mukava kuunnella teijän kertomukšie .Lapšilla oli mukava pityä käsissä vehkehie ta tällä keinoin esinehien istorija paremmin jiäy muistih , šano lapšien opaštaja Natalia Parčenko .
Musejošša on naisien kotiruatojen vehkehien kokomuš , min avulla voipi kuvitella , kuin vaikie oli ruatua kotihommie .Šuurta huomijuo aina šuau kirvehien kokomuš – Vladimir keräsi vanhoja kirvehie eri tehtävie varoin ta jokahisešta voipi kertuo , kuin šitä käyttyä ta mistä še oli šuatu .Niise on kirjojen kokomuš , kumpasista vanhin on XIX vuosišuan Piiplija .
– Oli oikein mukava šuaha tietyä Tverin karjalaisien istorijašta , mitein hyö šiirryttih elämäh Keški-Venäjällä šekä Smirnovien šuvun istorijašta . Olis hyvä , kun joka pereheššä šamoin olis pakinoja istorijašta ta oman šuvun perintehistä .Kotimatalla lapšet tai myö pakasima vain šiitä , mitä tiijuštima musejošša šekä omista vaikutelmista , lisäsi Natalia .
Perehmusejo otti vaštah lapšie
Karelian Proper
New written karelian