Texts
Return to list | edit | delete | Create a new | Statistics | ? Help
Omii tundoloi da nägemysty pidäy kehittiä
Omii tundoloi da nägemysty pidäy kehittiä
Livvi
New written Livvic
Tänä vuon
Kipinä-žurnualu täyttäy 40 vuottu .Kipinäläzet-rubriekku sanelou teile žurnualan endizis da nygözis toimittajis karjalan -, vepsän - da suomenkielizis noumerois .Täl kerdua paginkanzannu on taidotoimittai Ol’ga Demidova .
Ol’ga Borisovna Demidova ruadau toimitukses vuvves 2011 algajen .Häi verstaiččou žurnualua , vastuau sen taidopuoles , pidäy yhtevytty taidoilijoin da toimittajien kel .Monet kuvat žurnualah niškoi Ol’ga piirustau iče .Ol’gal on oma ruadoperti , kus paiči ruadotehniekkua , ruokos on monien vuozien aigah suittunuttu taidomaterjualua – käziruadoloi da piirustuksii .
– Ol’ga , kusbo sinä opastuit ?
– Minä opastuin Petroskois , endizes Anna Lisitsinan nimizes Karjalan kul’tuuruopistos . Sit opastuin Velikii Novgorod -linnas Novgorodan yliopistos Dizainu da materjualoin taidomuokkuandu -laitoksel .Ammatikse sain inženieru-taidoilii juveliirudielo-spetsializatsiedu myöte .Moizet inženierat-taidoilijat luajitah juveliirulu-ajilmuksii zavodal .Minä suvaičen käziruaduo , Kul’tuu-ruopistos minä kuvoin , ombelin , kirjoindin , piirustin .Yliopistos jo opastuin juottamah .Ga minuu se ruado ei miellytännyh , en jatkanuh opastuhuu .Keksie da luadie juveliiručomenduksii oli minun huaveh , il’l’uuzii , ga elokses rodih nenga , ku se ei ole minun nivouse .
– Midä suvaičit ruadua lapsennu olles ?
– Suvaičin luadie midätahto käzil . Niegloin , luajin makrame-luajilmuksii , azuin luajilmuksii luonnollizis materjualois , olles , suvaičin leikata da kleijä bumuagua .
– Ongo fil’mu , kudamua sinä voit kaččuo äijän kerdua ?
– On , "Avatar ". Kačoin sen dai luvin kirjan .Suvaičen fantastiekkua .
– Oligo sinul lapsusaijas taidoilii , kudaman ruadoloi suvaičit enämbäl toizii ?
– En musta , ku minuu miellyttäs ylen äijäl mittuinetahto ammattitaidoilii . Minuu ei miellytännyh nivouse Jurii Noršteinan mul’tfil’mu "Joža uvus ".Minuh niškoi se oli vieras da en ellendännyh sidä .
Minä ylen äijäl suvaičin Walt Disney :du da hänen mielužii personuažoi – McDuck , Chip , Dale , Bambi , Gadget .Minuu ylen äijäl miellytti , kui net on piirustettu , mittumat ollah kirkahat , hyväsydämellizet .Minä kai rubein huaveilemah mul’tfil’moi .
Jo on mennyh äijy vuottu sit aijas , ga minuu endizelleh miellyttäy Walt Disney .Minä luvin , kui häi järjesti oman stuudien , kui äiän ruattih taidoilijat .Stuudieh kai tuodih elättilöi da kai taidoilijat istavuttih piirustamah , tutkimah heijän ičenviendiä da neroloi .A ku andua elättilöile tovellizii ristikanzan tundoloi , emotsieloi , taidoilijan stolal oli zirkalo .Sih kaččojes taidoilii piirusti omii emotsieloi : ovvostustu , iluo , sruastii , suurdu ihastustu .Jällespäi omat piirustetut emotsiet taidoilii yhtisti elättilöin ilmielöih .Muga roittihes kaikile tundietut syväindyliikuttajat personuažat .Sit ruavos on Walt Disneyn suuri suavutus .Vie minuu miellytetäh hänen sanat : "Ku työ voinnetto huaveilla , sit työ voitto luadie sen ".
Minä panin hinnan Joža uvus -mul’tfil’male vaiku ruavahannu ristikanzannu olles .
– Mittuine pidäy olla nygyaigaine mieldykiinnittäi lapsienžurnualu ?
– Eläjes da ruadajes minä ellendin , ku omii tundoloi da nägemysty pidäy kehittiä . Minä tahton , ku lapset meijän žurnualua kaččojes da lugijes , suajas äijän iluo , uuzii tiedoloi da levendettäs muailman da kaunehuon nägemysty .
Omii tundoloi da nägemysty pidäy kehittiä
Livvi
New written Livvic