Texts
Return to list | edit | delete | Create a new | Statistics | ? Help
Hirvas-järvi
Hirvas-järvi
Karelian Proper
New written karelian
Eniten
muailmašša saamelaiset arvoššettih petroja .Vet petra oli heilä tärkein elättäjä .Ennein vanhah saamelaini mečäšti petroja aina varovašti , konšana ei tuhon koko laumua ta ajatteli huomista päivyä .
Erähän järven rannalla eli mečäštäjä kahen poikah kera .Hiän vanheni , ka pojat kašvatti – on kenen häneštä pityä huolta .Tuatto kaččeli poikiloih ilosena : heistä tuli hyvie mečäštäjie .Konša kylän pojat kilpailtih joušiammunnašša , ei ollun parempie ampujie kuin hyö .
Tuli aika poikien lähtie mečäštämäh .Šilloin tuatto pal’l’ašti pojillah oman šalan :
– Mänkyä mečäštämäh yläjärvellä , šielä on äijän petroja .Vuottuat , kun ne aletah uija järven yli .Voitta ampuo vaikka mimmoista petrua , ka elkyä košekkua piäpetran , hirvakšen .
– Luajimma kaiken niin kuin šanoit , vaššattih pojat ta lähettih yläjärvellä .
Hyö kačottih – ta tovella , šuuri petrakarja ui järven yli .Kaikkien ieššä ui hirvas .Hänen piäššä oltih šuuret , kaunehet šarvet .
Vellekšet ihual’tih šitä : niin vahvua petrua ei ieš kokenut mečäštäjä helpošti šuanun šualikseh .
– Emmä voi piäštyä tämmösen šualehen mänömäh , šanottih vellekšet . – Kuamma hirvakšen ta koko kylä kajehtiu meitä .
Hyö unohettih tuaton varotukšen .Mečäštäjät yllytettih toini toista , ašetettih joušet ta piäššettih nuolet .Ne šatuttih šuorah petrah .Heti järven vesi kuohu , a petra muuttu kivisekši šuarekši .Toiset petrat kiännyttih jälelläh .
Šilloin veikot muissettih tuaton šanat , ka oli jo liijan myöhäistä .Kolme päivyä ta kolme yötä hyö käveltih tundrašša , ka ei nähty enyä yhtänä petrua .Niin ni myöššyttih hyö kotih tyhjin käsin .
Tuatto näki heijät , kaiken ymmärti ta šano :
– Oman tyhmyön takie ijäkši kavottija mečäššyšonnen .Teistä ei tule mečäštäjie .Mänkyä tyttöjen kera kutomah vakkoja .
Šiitä lähtien järvie alettih šanomah Hirvas-järvekši .Ta šillä nimellä šitä kučutah vielä tänäki päivänä .
Hirvas-järvi
Karelian Proper
New written karelian
–
–