Texts
Return to list | edit | delete | Create a new | Statistics | ? Help
Kaupunkin päiväkši korjatah rantakatuo
Kaupunkin päiväkši korjatah rantakatuo
Karelian Proper
New written karelian
Oraškuun
19. päivänä Karjalan piämieš tarkašti , mitein eissytäh rantakavun korjauštyöt .
Nykyjäh korjatah rantakavun ošua rotundašta Leninin valtakavun šuuntaušlinjah šuaten .Vanhan piällyššykšen tilah šiih pannah uušie graniittilevyjä .Kivie šuahuššetah Kontupohjan ta Puudožin piiristä .
– Projektie toteutetah BIOEN-yhtijön sponsoriavun anšijošta . Vuotena 2024 tašavallan halličuš ta moskovalaini partn’ori šolmittih šopimuš Karjalan graniittimurun kuletukšeh , ilmottau Karjalan tašavallan piämiehen lehistöpalvelu .
Neuvottelun aikana alovehen piämieš Artur Parfenčikov tapasi yhtijön johtajan kera ta tarkašti , mitein korjauštyöt eissytäh .
– Himottau , jotta meijän rantakavun korissukšena käytettäis alkuperäistä kivie , mistä Karjala on tunnettu , šano piämieš omalla lehistöpalvelulla . – Meijän moskovalaisilla partn’oriloilla on šuuri kokemuš rakentamisešša , rupiemma ottamah šitä huomijoh . Kiitän BIOEN-yhtijyö , kumpani on valmis antamah ošan omašta tulošta Petroskoin rantakavun rakentamiseh , tunnollisešta sosialiratkaisušta .
Artur Parfenčikov korošti , jotta Kaupunkin päiväkši Petroskoin eläjät ta vierahat nähäh oša uuvvissettuo rantakatuo .Yhtijön johtaja Oleg Maksimov vakuutti , jotta Kaupunkin päiväkši rantakavun korjaukšen enšimmäini vaihe piättyy .
Šamoin neuvottelun ošallistujat käsiteltih rantakavun valotukšen modernisointua ta vuapukanvärisen kvartsiitin šäilyttämistä .
Kaupunkin päiväkši korjatah rantakatuo
Karelian Proper
New written karelian