Texts
Return to list | edit | delete | Create a new | Statistics | ? Help
Nadežda Vasiljeva. Kalevalan naisien terveh elämä
Nadežda Vasiljeva
Kalevalan naisien terveh elämä
Karelian Proper
New written karelian
Tervehyš
ta pitkäikäisyš -ohjelma aktiivisilla ijäkkähillä ihmisillä , kumpaset ollah eläkehtä ieltäväššä ta eläkehijäššä , varmoin aškelin kulkou Karjalah .
Tämän ohjelman toteuttamisen piätavoteh on lisätä vanhemman šukupolven ihmisien elinikyä , antua mahollisuš šäilyttyä tervehyttä , tuttavuštuo šamanmielisih ihmisih , mielenkiintosešti viettyä joutoaikua , löytyä mielehini homma tašavallan missä vain kaupunkissa tahi kyläššä .Lišäkši monilla ijäkkähillä ohjelmah ošallistumini antau mahollisuon olla jiämättä yksin omien ajatukšien , proplemojen ta yksinäisyön kera .
Kalevalan piirissä Tervehyš ta pitkäikäisyš -ohjelma täyvelläh käynnisty vähän enämpi vuotta takaperin .Kalevalan piirin väještön sosialipalvelukeškukšen asientuntijat valittih šen toteuttamisšuunnakši käsityötaijon – eikä erehytty .Halukkahie valmistamah erilaisie käsitöitä , suveniirija ta pannoja löyty .Hyö vaššattih ohjelman järještäjien kuččuh ta heistä tuli šen aktiivisie ošallistujie .Nyt joka netäli hyö kiirehitäh luovih tapuamisih , ehotetah uušie idejoja ta toteutetah niitä käytännöššä .
– Tervehyš ta pitkäikäisyš -ohjelma on lujašti tullun ošallistujien elämän ošakši : myö onnistuma šuaha mukah ei ainuoštah Kalevalan pos’olkan naisie , ka niise Kuušiniemen kylän naisie . Vuuvven aikana pitimä yli viisikymmentä aktiivista , mukavua , tulokšellista harjotteluo .Jokahini tapuamini meijän naisilla muuttuu luovakši muasteri-opiksi .Eikä vain šitä .Jokahini kerta on otollini keškuštelulla : naiset paissah , juatah uutisie ta huolie , kerrotah ruokareseptijä ta kotitalon hommija , kertou Kalevalan piirin väještön sosialipalvelukeškukšen sosialisen kuntoutumisen ošašton johtaja Natalja Tilander .
Tervehyš ta pitkäikäisyš -ohjelman tapuamiset motivoijah ajattelomah luovašti , näyttämäh omua mielikuvitušta ta luovutta , luomah ainutluatusie taitotevokšie .Tämä onnistuu kalevalalaisilla ta kuušiniemiläisillä naisilla varšinki hyvin .Esimerkiksi , mielehini oli harjottelu , missä naiset luajittih tauluja .Hyö käytettih yksinkertasie materialija : kuvakehykšie , guaššie , käpyjä , okšie ta nauhoja rušettiloih .Kehykšet valmissettih , šiitä naiset otettih guaššit , ševotettih kirkkahie värijä ta luotih uškomattomie tauštoja .Kävyistä ta okšista tuli erinomasie korissušelementtijä , mit lisättih tauluih luonnollisutta ta tilavutta .Kaikilla tuli erinomasen kaunehie , šielun lämmön täyšie kuvie .
Ohjelman ošallistujien kera ruatah ei anuoštah väještön sosialipalvelukeškukšen spesialistit , ka niise käšityötaijon muasterit .Niin , Kalevalan eläjä L’udmila Nikutjeva čukelti kaikkie mielenkiintoseh piiruštamisen muailmah , a Tatjana Djačkova näytti , kuin järvien rannoilta löyvetyistä puun okšista voit luatie miellyttävän ta ainutluatusen avuamien ripuštimen .
– Tällä hetkellä ohjelman ošallistujilla on keräytyn äijän erilaisie omin käsin luajittuja töitä . Myö olemma varmat , jotta niitä ei pitäis šäilyttyä kotivaraštoissa , šentäh šuunnittelemma järještyä kanšankäsityön näyttelyn .Ušon , jotta šiitä tulou erittäin mukava , koroštau Natalja Tilander .
Oraškuun lopušša Tervehyš ta pitkäikäisyš -ohjelma lähtöy kešälomalla .Uuvveštah še käynnistyy Kalevalašša šykyšyllä ta tuaš keryäy ympärilläh ijäkkähie ihmisie , kumpaset čukellutah luovah työh ta luajitah oma elämä aktiivisekši , mielenkiintosekši ta tulokšellisekši .
Kalevalan naisien terveh elämä
Karelian Proper
New written karelian