Texts
Return to list | edit | delete | Create a new | Statistics | ? Help
L’ubov’ Baltazar. Luadogan Kuldu nostau Karjalan mainehtu
L’ubov’ Baltazar
Luadogan Kuldu nostau Karjalan mainehtu
Livvi
New written Livvic
Seiččei
päiviä kestänyh Luadogan Kuldu -nimine pyörykilbu lopui Sankt-Peterburgas .
Jo nellätty kerdua Anuksenlinnas piettih Luadogan kuldu -pyörykilvan avajazet .Tämän suuren kanzoinvälizen kilvan algupäivy Anuksenlinnan eläjil rodih tozipruazniekakse .Sen avai oma nuorižo .Linnan keskučas piettih lapsien čomat pyörykilvat .Se toi iluo heijän vahnembile dai kaikile anukselazile , ket tuldih kaččomah avuamistu .Kui ainos , artistatgi ihaskoitettih rahvastu pajoloil da tansiloil .Kilvan ozanottajii tervehtittih Anuksen piirin piämies Vadim Murii da Art’om Val’uk , Karjalan Zakonoinluajindukerähmön deputuattu .
Kilvan algupäivänny kaikile kilvan ozanottajile – omile dai gostile – anukselazet toivotettih hyviä ozua , vägie da lujua tahtuo voiton suamizeh , siliedy tiedy da myödästy tuuldu .
Anuksespäi pyöräilijät ajettih 124 kilometrii Pitkährandah , kus jo tulienpiän piettih kilvan uuzi taibaleh .Kogo matku kesti 800 kilometrii Luadogan järves ymbäri .Suurembis kohtis piettih erillizii pyörykilboi da tapahtumii kaččojile .
Tämä pyörykilbu on Ven’an yksi suuremis piätielöil piettävis pyörykilvois .Sen järjestäjinny ollah Ven’an pyörysportan federatsii da Roskongress-fondu .
"Luadogan Kuldu " avai kezäkuus piettävän Sankt-Peterburgan Kanzoinvälizen talovuon fouruman sportuprogramman . Pyörykilbu lopui Sankt-Peterburgas päiviä enne Fouruman avuamistu .Tänä vuon kilbah tuli 15 joukkuo Ven’an eri alovehilpäi .Ezmästy kerdua tuli kogo Ven’an pyörysportan yhtehine joukko dai gost’at Kazahstanas da Uzbekistanaspäi .Sportumiehien tazo on ylen korgei , hos professionualoin keskes on sportan suvaiččijoin joukkoloi .Tänä vuon ezmästy kerdua ajeluh otetah ozua invaliidat , kudamien johtajannu on muailman kolmekerdaine čempionu Aleksei Obidennov .Tänä vuon ezmästy kerdua erikseh kačotah miehien da naizien tuloksii .Kogo kilvan programmu on suurembi endisty , sit on äijy mieldykiinittäjiä tapahtumua matkal olijois linnois .
Tehniekan puoles kilvan ozanottajii autoi AvtoVAZ .Kaikile sportumiehile tervehyön strahovkan maksoi Sberbank .Oli äijy muudugi suurdu sponsorua , kaikien abu pädöy nengomah suureh kilbah , kudaman yhtehine palkindofondu on kolme miljounua rubl’ua , voittai sai 300 tuhattu rubl’ua .
Luadogan Kuldu-2026 pyörykilvan yhtehizien tuloksien pohjal voitti Artemii Hom’akov , kudai jo tostu vuottu on paras .Pyörykilvan jälgimäzel etuapal voittajakse rodih Anton Popov Ven’an joukospäi , Savva Novikov Mangazeja-Moskovski sport -joukospäi oli toine .Kolmandele sijale piäzi Olimpiiskije rezervi -joukon ajai Jegor Kostyr’a .
Tämä pyörykilbu nostau ei vai pyörysportan da tervehyöllizen eländytavan mainehtu .Sen merkičys on äijiä tärgiembi .Luadogan Kuldu on kogo meijän luodehalovehen turizmupotensiualan ezittämine , mi ruadau Karjalangi turizmumainehen nostamizekse .Luadogan kuldu -kilvas on tulemas kogo Ven’an turizmubrendu .
Luadogan Kuldu nostau Karjalan mainehtu
Livvi
New written Livvic