Texts
Return to list | edit | delete | Create a new | Statistics | ? Help
Puršel’ Valerija . Rahvahan kartta Piiterin Etnoforumissa
Puršel’ Valerija
Rahvahan kartta Piiterin Etnoforumissa
Karelian Proper
New written karelian
Oraškuun
20.–22. päivinä Piiterissä piettih Enšimmäini Piiterin Etnoforumi .
Enšimmäini Piiterin Etnoforumi yhisti ihmisie koko Venäjältä : tietomiehie , valtijovallan elimien esimiehie , disainerija , opaštajie , kieliaktivistija , ammattimiehie , bloggerija .
Piäteemoiksi , kumpasista poliitikot , kanšalaisjärještöjen esimiehet ta akatemikot paistih paneeliväittelyissä , tultih Venäjän monirahvahaisuš kanšallisušidejana , etnisen identiteetin kyšymykšet , Etnoprojekti tiijoššä ta käytännöššä .Kolmen päivän aikana kaikkija ošallistujie varoin oli järješšetty monenmoisie muasteri-oppija , esimerkiksi , luunveššäntä , pitsikuvonta , varpakuvonta .
Etnoforumissa esiinnyttih erilaiset kollektiivit , kumpaset esitettih omie kanšanlauluja ta kanšantanššija .Etnodefile lopetti forumin šuuren ohjelman .Luovat ryhmät näytettih kuin kanšanpukuja rekonstruoijah ta kuin šuahah innoššušta rahvahankulttuurista nykyseššä taijošša .
Piiterin etnoforumin keškitapahtumana oli Etnoprojektien Jarmankka .Forumin ošallistujat esitettih yli 30 projektie .Niijen aiheina oltih turismin kehittymini alovehilla , ainehellisen kulttuuriperinnön šäilyttämini , perintehellisen käsityön elvyttämini , kulttuurin ta kielen popularisointi .
Mie esitin Etnoprojektien Jarmankalla Rahvahan kartta -projektie .Še on interaktiivini Karjalan kartta , kumpasešša on merkitty eri muantieto-objektien nimet .Näitä nimijä paikalliset eläjät käytetäh omissa pakinoissa , ka ne ei ole näytetty virallisilla kartoilla šekä šuurilla online-kartoilla .
Nyt projektin muantieto ei ole šuuri , vain kolme elinpaikkua ta niijen ympäristöt .Ne ollah Tiikšita Ontajärvi -pos’olkat šekä Rukajärvi-kylä .Paikallisilta eläjiltä mie šain yli kuušikymmentä paikannimie , tällä hetkellä melkein kaikki jo šuatih oma paikka Rahvahan kartalla .
Piiterin Etnoforumi on hyvä mahollisuš tuttavuštuo Venäjän kanšojen etnokulttuuriseh perintöh .Mie olen iloni , jotta Etnoforumih ošallissuttih miun muanmiehetki Karjalašta šekä miun Piiterin kaverit .
Rahvahan kartta Piiterin Etnoforumissa
Karelian Proper
New written karelian