Texts
Return to list | edit | delete | Create a new | Statistics | ? Help
Sidorkin, Valerii. Kiži tuttavuššuttau Oneganiemeh
Sidorkin, Valerii
Kiži tuttavuššuttau Oneganiemeh
Karelian Proper
New written karelian
Kiži-musejon 60-vuotisjuhlalla omissettu
Kižigradnäyttely toimiu musejon näyttely - ta esittelykeškukšešša .
Kižigrad-näyttely kertou Oneganiemen istorijašta , perintehistä ta kulttuurista .Näyttelyššä kävijä čukeltuu šen muan luonnon , puuarhitektuurin , kanšankäsitöijen , paikallisen ikonimualaukšen ta folklorin erikoisukših .
Näyttelyn kolmannen ošan ottau Kižin pokostan šuuri puini malli .Pokosta on UNESCO :n muailman kulttuuriperinnön objektien luvettelošša .Šiinä šijotutah 22-kupolini Jumalan Kirkaštumisen kirikkö , Pokrovan kirikkö ta korkiet kellojalat .
Näyttelyn toini oša ympäröiččöy šitä mallie .Esillä on paikallisien kaivaukšien aikana löyvettyjä muinaisihmisien esinehie – keramisien aštehien ošie , kivisie kirvehie ta nuolien piätteitä , kalaššuškoukkuja .
Šamoin kävijät šuahah nähä Oneganiemen talojen perintehellisie monimutkasie korissukšie , oneganiemiläisen pirtin ennallissettuo čuuppuo , paikallisien eläjien vanhoja pukuja , kižanka-venehen mallie .
Ainutluatusimpina näyttelyesinehinä ollah enši kertua esiteltävä restauroitu Jumalan Kirkaštumini -ikoni šamannimisen kirikön ikonostasista ta šen piäkupolin šisäošan "taivahan " kakši elementtie .
Kižigrad-näyttely toimiu 20. heinäkuuta šuaten .
Šamoin Kižin musejošša toimiu Zlato-serebro -näyttely .Še on omissettu Oneganiemen kultamerkkaukšella .Esillä on tunnetun oneganiemiläisen merkkuajan Tatjana Sekušinan luatimie töitä .Tämä näyttely ottau vaštah kävijie 14. heinäkuuta šuaten .
Kiži tuttavuššuttau Oneganiemeh
Karelian Proper
New written karelian