Texts
Return to list | edit | delete | Create a new | Statistics | ? Help
Galina Ol’kina. Videlen pruazniekat
Galina Ol’kina
Videlen pruazniekat
Livvi
New written Livvic
Meni
talvi , tuli kevät , ga mindählienne lämmiä vie ei ole .Buitegu päiväine pastau , a hoikal soval ei sua lähtie ilmale .Lähtenet , ga hätkie ei sua olla , raviembah kiirehel lämmäh juokset .
A vot jälles talvie hyvin sydämen lämmitti festuvuali , kudai piettih Videles oraskuus .Sit festivualis paiči Videlen Žuravka-pajojoukkuo da tansijoukkoloi oldih Anuksenlinnan pajattajat da suuri Sudaruška-pajojoukko Jessoilaspäi .
Abei oli , ku ei kuulunuh karjalastu pajuo .Pido oli ylen mielužu .Enimyöte ezitykset oldih voinah näh .Joga pajo , joga noumeru otettih hyvin vastah , kuului käzienpläkytyksii .Pajatettih čomasti , iänet helevät , kaikis enämbäl käzii loškutettih nuorimale artistale .Liennöy olluh hos seiččie vuottu , no kui häi pajatti , aiga kukin zamenii , kudai laulau yhtes agjas hieruu , kuuluu toižeh agjah .
Arvostusjoukko hyvin arvosti kaikkii artistoi , ga nuorimua kaikis enimäl .
Kai kolme päiviä Videles rahvahah näh mendih ylen hyvin da lämmäh luaduh .
Voitonpäiviä enne oldih hyvyöt "Voinan lapsih näh " – konsertu da gostitandustola , kudas iče gost’at pajatimmo , midä himoitti .
Yliägien časounalluo oli miitingu .Minä nygöi en elä Simänniemes , yksin nygöi en voi eliä , elän tyttären luo , ga minuu kučuttih sille miitingale da sie Simänniemen hieruh sežo , kui Videlesgi , oli azuttu Voinan lapsih näh stola .Net hommai kai Galina Nikolajevna Kovalevič abulazien kel .Ylen vesseläh da lämmäh meni se päivy .
Tämän vuvven nämmä päivät , minä uskon , hätkekse jiäjäh rahvahale mustoh , ket voidih liikkuo nämmil päivil rahvahah .
Videlen pruazniekat
Livvi
New written Livvic