Texts
Return to list | edit | delete | Create a new | Statistics | ? Help
Irina Zaitseva. Kanšanpuku herättäy väittelyjä
Irina Zaitseva
Kanšanpuku herättäy väittelyjä
Karelian Proper
New written karelian
Tänä
vuotena kanšalaisjärještöt ta innoštunuot ihmiset järješšettih Karjalašša Kanšanpuvun päivä .
Kešäkuun 5. päivänä pruasniekan rajoissa Karjalan kanšojen yštävyštalošša piettih Karjalan perintehellini puku : rekonstruointa , popularisointa , muasterien kokemuš -pyörie stola .Šiinä asientuntijat šanottih omua mieltä šuavutukšista ta proplemoista Karjalan kantakanšojen puvun popularisoinnan alalla .Keräytynyitä tervehti Karjalaisien X kerähmön valtuutettujen neuvošton johtaja Inga Gurilova .
Perintehellisen puvun Matura-klubin johtaja Natalja Denisova kerto , mitein mänöy kanšanpuvun popularisointa viime 15 vuuvven aikana .Natalja on ruatan tällä alalla noin 15 vuotta .Hiän šanou omiksi innoštajiksi kanšankuklan taiteilijua Tatjana Jaškovua ta Kižin musejon folkloriyhtyvehtä .
– Tarkotamma talonpoikien vanhoina aikoina käyttämie vuatteita . Juuri niitä šanotah kanšanpuvukši .Elvytämmä kiinnoššušta šiih , muasteri korošti .
Natalja Denisovan mukah kanšanpuvun popularisointa toteutuu musejojen toiminnan anšijošta , Matura-klubin ta Vokrug Krosno -studijon kurššiloilla ta eri projektien rajoissa .Šamoin VK-saitilla on Karjalan perintehellini puku -ryhmä , missä on kerätty eri tietoja aiheista .
Kižin musejon ruataja Marina Guseva šaneli , mitein laitoš rekonstruoiččou kanšanpukuo .
– 1980-luvulla Kižin musejo alko viettyä folkloripruasniekkoja šuarella . Šiih tuli eri artistat ta folkloriyhtyvehet .Ušein heijän puvut ei vaššattu alkuperäisie pukuja .Musejon ruatajilla tuli ajatuš näyttyä oikeita pukuja , ta vuotena 1989 peruššettih Kižin musejon folkloriyhtyveh .Kollektiivi alko ennallistua pukuja , šaneli Marina Mihailovna .
Musejon spesialistit tutkitah alkuperäisie esinehie ta luajitah kopijoja , mitä on esillä näyttelyissa .Laitoš viettäy näyttelyjä , festivalija , käsitöijen päivie .
Iččenäini tutkija Sofja Masal’tseva analisoičči kanšanpuvun popularisoinnan šuavutukšie ta proplemoja Karjalašša ta Nižnii Novgorodin alovehella .
– Karjalašša ruato eistyy , ta on tosi pätövie spesialistija , ka še toiminta ei ole näkyvillä luajalla yleisöllä ta šillä melkein ei ole rahakannatušta . Ka voima on yhtevyöššä , näkövyöššä ta julkisuošša , on varma Sofja Andrejevna .
Tilaisuon ošallistujat piätettih keräytyö yhteh uuvveštah juhlatapahtumien jälkeh .
Kanšanpuku herättäy väittelyjä
Karelian Proper
New written karelian