Texts
Return to list | edit | delete | Create a new | Statistics | ? Help
Nina Zaiceva. Sit' - sarnaline jogi. 01.pala
Nina Zaiceva
Sit' - sarnaline jogi. 01.pala
Veps
Mudakaz
vezi brunci tehtes kehkeroid bongid , joksi ani randraidoiden juridme , heredas kuti raccil hüppi kaiked jogipohjadme .Kumartud veneh venui toižel jogi-randal .
– Oli sanutud , miše tarbiž sildan kal’t ajada , – sanui Šumilinan Tan’aine , kactes suril vihandoil sil’mil Vas’kaha , kudambad kuctihe völ Hanheks , sikš ku hänen familii oli venäks Gusev . – Muga ved’ sinai taht oli ajada ."
Lähtkam oiktaha ", – sanui hän näritajal änel .– Naku tulim-ki . Midä , nügüd’ ujudes lähtem ?Kaik toižed oliba vaitti .Hanhenke ei sand ridelta .No hän oli mugoine , miše hänen päs kaiken aigan midä-se kehui .
– A midä , ujum-ki ! – sanui Hanh’ . – Ei ole sinun hol’ .
– Hän taci hudraižele randheinäižele rebitud šaugun , heiti pälpäi üläsoban , redukahan paidan , ozutades muzavan hibjan .
– Paremb oliži pörttas , – sanui Tan’aine , kudambal ühtes meletusespäi-ki mända vedhe punotaškanzi pän .
– Ka pörtte ! – sanui Hanh’ .
Hanh’ oli mugoine laih , ka eskai kaik kül’ged voiži lugeda .Vas’aine vähäšt seižuhti randal i sid’ hüppähti vedhe .Vaiše vezi kosketi hänen hibjad , ka hän tundišti , mitte hered vezijoksend täs oli , kut edahan om toine rand .Hän el’genzi , miše tegi vigan : tarbiž oli sirttas vähäšt ülemba , polele sadale metrad , sigä joksend ei olend mugoine hered i ei olend mugoižid bruncujid vezibongid .Voiži pörttas tagaze i koheta vigan , no konz hänen päle kacub Tan’aine , nece nenakaz neižne , kut voiži pörttas tagaze i
koheta vigan .Ved’ hänen päle kacub Tan’aine , nece nenakaz neižne , i ei voind tehta toižin .I Hanh’ ujui edemba , kuti hänele ei olend-ki opak , letes edehepäi ičeze pit’käd laihad käded .Mugoine kuva oli toižiden edes .A Vas’kale ei olend kebn , hän pani ujumižehe kaiken ičeze mastaruden , kaik väged .Ved’ hän oli parahiman Semenihan i läzküliden ujujan , sikš händast kuctihe-ki Hanheks .
Keskjoged Vas’kale tegihe sel’ged , miše ei ole väged vägestada jogen joksendad : tundui , miše händast veb longoitesehe .I siloi hän kärauzihe joksendan mödhe i heiti käziden radod , miše lebahtada , kerata väged jäl’gmäižen tacindan täht .
Prihad nägiba , kut Hanh’ kerazi vägid , no sid’ , kuti vasttes mittušt-se segad , kärauzihe sel’gäle , i händast veškanzi longoidesennoks .Kaik sanoita tacihe sihe polhe , miše nägištada , mi tegihe sebranikale .
Vilu i vahv joksend löi randha , pörzihe vahtokahas bongas .Nece vahtokaz sija oli üksjäižen nägujan sijan Vas’kale .Hän tezi , sigä om bongan keskuz , kus bongan vezi pörui pohjazesai .A edemba se kuti tüništub päzudes bongan valdaspäi .
Vas’kale tuli pähä rohked meletuz : päzuda sinna , bongan süvüdehe i sid’ ühtes vedenke sadas jogen pindale .Konz bongan keskusehesai jäi vaiše kümne metrad , vezivalud sebaziba kingitaden händast i veškanziba longoitesehe , i sid’ hän tacihe bongan keskusehe .
Kut-se oli väged ezmäi vähäšt , no veden joksend taci händast süvüdehe .
Hanh’ hengahti täudel rindhal , kumarzihe , i händast vezi taci päl alahaks .
Hän mujušti , kut vezi kingiti rindhid , mujušti korviš teravan kibun i üli väged tacihe bokha , käzil souttes vet ičeze alle .Ezmäižen kerdan hänele tegihe opak neciš kingitajas vilus mustas vedes .
No sid’ kibu vähäižen hilleni , kingitand välleni i ripsuden läbi näguškanzi mi-se pakuine .Sid’-žo vezi toukaiži händast ülähäks .Hänel oli mugoine tundmuz , miše vezi toukaiži , no sil-žo aigal hän radoi kaikil vägil ičeze käzil , jaugoil , miše päzuda veden päle .
Bong jäi tagana .Mürk jogenrand oli rindal .Hanh’ kulišti , kut kidastiba lapsed , i hänele tegihe kebnemba , i eskai vilu kut-se edeni .
Hän surel vägel kumarzi venehen oikti , pani sen pohjaze airod i toukaiži venehen vedhe .
Venehen vedi vezijoksendal , i lapsed joksenziba sijalpäi toižele , miše dogadida , kuna tuleb veneh .
Siništunu viluspäi , säraites hän lopuks saihe randannoks .Šumilinan Sergei , Tan’aižen vel’l’ , teravaidešti andoi Hanhele kuivad sobad .
– A Tan’ka jo meleti , miše sinä upsid , – sanui hän ihastuisiš .
– Hän eskai voikaškanzi ! – ližazi Aks’onovan Tol’aine . – Nece kuna sindai muga vedaškanzi ?
– Ka ei , sinna vedand-ki . Hän iče sinna hüppähti , – vastsi Sergei .
– Ka jo iče ! A nu-ške sinä hüppähta !– nagrdes sanui Tol’ka .
– Ka iče , Hanh’ , sanu , iček sinä čuklahtid vai sindai sinna vedi ?
– Antkat sapkad ! – viluspäi hän kolkoti hambhil . Hänele oli mel’he , miše
Tan’aižele ei olend kebn hänen tagut .
Hanh’ pani sapkad jaugha i jäl’ghe sanui :
– Iče mänin čukloho .Ka vedab-ki sinna vahvas .
– Ka naku ! Minä sanuin , sanuin !– ihastui Sergei .
Vovaine R’abov , mustpäine , kuti čigan , prihaine , noremb lapsišpäi – hän openzihe kudendes klassas – hilläs küzui :
– A sanu , sigä , bongas , oli-k opak ?
– Čuklahta , ka tedištad ! – muhaten sanui Tol’aine . Hän tezi , miše Hanh’ , hot’ hänele oliži-ki olnu opak , ei sanu neciš .
– No Hanh’ sanui :
– Opak oli ! Om pimed i kingitab kaikiš polišpäi , eskai korviš kibed om .
Sit' - sarnaline jogi. 01.pala
Veps
–
–
–
Anatolii Petuhov
Сить - таинственная река
Russian
—
—
—