Texts
Return to list | edit | delete | Create a new | Statistics | ? Help
Nina Zaiceva. Sit' - sarnaline jogi. 04.pala
Nina Zaiceva
Sit' - sarnaline jogi. 04.pala
Veps
Mecas
vaikastuiba linduiden äned .Ehtzor’a rusttaspäi om tehnus vaugedrusttaks .
Vaiše joges kului kaloiden vänd .
Lapsed venuiba kavagil i kacuiba mustaha – nodjon tagut – taivhan ülähä .
– Hanh’ ! Kacu , sigä sputnik lendab !– Tol’aine ozuti kädel ülähäks .
– Lekaha ! – sanui Hanh’ , – kuti nügüd’ nece ei olend-ki nimitte čud , i üks’kaikužel kacegel kaimzi sen lendandad .
– A , voib olda , nece ei ole-ki sputnik , a mitte-ni kosmoslaiv ! – sanui Tol’aine . – I siš mehed ištuba . Mö kacum heihe , a hö ei tekoi-ki , miše mö kacum ...
Hanh’ oli vaitti .Hän pidi meles nügüd’ , miše hänen vanhad räzinsapkad oma mugoižed murenuded , miše jo ei voi nimidä sigä tartutada klejal .Oliži hüvä ostta uded , pitkäd , naku nece oliži hüvä !I nece oliži čud , sikš ku ned maksaba , tedan , kaks’toštkümne rubl’ad , a nene – ogo-go miččed dengad !
Mecan päl kuluškanzi hübjan kida .
– Nece ken om ?
– Nece-se ? – Hanh’ vaikastui , nece kida oli hänele tundmatoi . – Nece , voib olda , meckana , a voib – nor’ kondi-ki .
– Jose kondi ? Mikš se muga kidastab ?
– Ken tedab – voib olda , maman kadoti , vai söda tahtoib .
Tol’aine sirdihe nodjonnoks lähemba : jogespäi vedi kül’mäl tulleižel .Hanh’ ližazi nodjoho haugoid .Kibinad lendiba ühtnägoi ülähäks , no sid’-žo sambuiba .A taivaz jäi mugoižeks-žo mustaks .Möst kuluškanzi hübjan än’ .
– Hanh’ , sanu , jose sinä nimidä ed varaida ? – Hübjan kidaspäi Tol’aižen vacas tegihe kibed .
– Ka varaidan .
– Ik kondjad ?
– A mikš sidä varaita ! Kondi – jose nece om azj varaidusen täht !Se ei koske .Minä
varaidan mamaižen polhe .Varaidan , miše hän riputase ...
– Jose muga meletad ? Mikš hänele riputadas ?
– Tuskaspäi . Hän om üksnäze .Ani üksnäze .
– Ka ved’ sinä !
– A midä minä ? Minä vaiše telustan hänele .
– Mikš telustad ?
– Ka nimidä sinä völ ed el’genda ! – hengahti Hanh’ .
– A sinä sanu muga , miše oliži sel’ged .
Hanh’ oli vaiti , meleti , pidab-ik starinoita neciš .Darja Gusevan starinan – hänen mamaze – tezi kaik külä .Vodel 1944, konz fašistad läksiba Oštaspäi – a nece oli ani nälghine aig !– lapsed da aigvoiččed-ki käveliba blindažiš da zeml’ankoiš ecmaha sömäd . Daša – a hänele oli siloi kümne vot – mugažo läksi sinna vellidenke .Ühtes zeml’ankas hö löuziba jaššikan pečenjad .Kogonaine jaššik !Söiba külläks i pätiba necen jaššikan kodihe veda .Vaiše sirdiba sijalpäi , sid’-se bungahti-ki .Jaššikan al oli minä .Dašan velliden hibjad vei polidme , a Daša kadoti käden .A hö siloi vaiše saiba
surmkirježen tatan polhe .Mam läksi melespäi neciš gor’aspäi i pigai koli .A Dašan oti Anfiska-tädi .Naku hö kahten eliba-ki .
Neiččen Dašaine oli ani čoma neižne , vaiše ei olend hänel üht kät .Mitte-se tulii radnik tuli kozile , ka hän läksi-ki mehele .Vähemba vot oliba ühtes , da hän küksi-ki Dašan lapsenke .Möst Daša jäi Anfisanke .Mužikoid-se oli hänel , no ken tahtoib , miše hänen ak oliži kädetoi da völ lapsenke .Darja paksus väriti ičeze gor’as Vas’ašt : "Sinä kaiken minun elon murenzid !".Vas’aine el’genzi hänen tuskan , hänen kibun , no midä hän voiži tehta ?Om-ik hän värnik siš , miše om sündunu ?
No täl minutal hän ei tahtoind starinoita Tol’aižele neciš !Ka mikš ?Mi sišpäi voib vajehtadas ?
Prihaižed hätken oliba vaitti .
– Ik hän löb sindai ? – küzui Tol’aine .
– Löi , paksus löi ende . A nügüd’ – ei .Vaiše erašti min-se otab kädehe , no ei koske .Ka minä en pidä hänen päle abidad ...Naku lopin kahesanden klassan , lähten lidnha .Radaškan zavodal , otan maman ičeinke .Sigä , lidnas , kaik vaumiž om .Avaidad – ühtes kranaspäi hul vezi jokseb , toižespäi – viluine .I päčid-ki ei tarbiž lämbitada .Om lidnlämbituz .Ku pidab midä-ni keitta , avaida gaz – i kaik vaumiž om .Mamale lidnas
linneb kebnemb .
– Minä-ki tahtoin ajada küläspäi . Tattain job , kodiš kaikuččen päivän rida da kida .Huiged om !...Lähten tehnikumha .Tahtoin olda pojezdanvedajan .Nägištan kaiken man .
Lapsed völ hätken pagižiba , kuni Tol’aine uinzi , vajudes väzundaha .A Hanh’ ei voind uinda .Hän nägi , kut opendase lidnas , kut eläb sigä , a mamale tegihe kebnemba , ved’ sigä kaik om läz .
Sit' - sarnaline jogi. 04.pala
Veps
Anatolii Petuhov
Сить - таинственная река
Russian
—