Texts
Return to list | edit | delete | Create a new | Statistics | ? Help
Nina Zaiceva. Sit' - sarnaline jogi. 09.pala
Nina Zaiceva
Sit' - sarnaline jogi. 09.pala
Veps
Kaidal
mecnemel , sigä , kus Sit’ tegeb mürkan kändandan , völ kaks’ vot tagaze tegi Hanh’ ičeleze mecšalašin – hänen peitkodin .
Nece nervikaz elo hänen mamanke , kudambale Hanh’-ki toskeli äi holid , oli se tün’ , se ridakaz .I siloi abittunu Hanh’ mäni elämaha šalašihe .
Sid’ , üksnäze , hän tuskas meleti neniš ridoiš .Hän kuviteli erazvuiččid opakoid surmid ičeleze : se händast söi kondi , se rikoi lanktenudel pul , se hän upsi Sitiš , i hänen hibjan toi Semeniha-randale siloi , konz mamoi sigä huhtoi sobid .
Hanh’ pidi meles , kut hänen mamaze voikaškandeb hänen surmas , kut zavodib laida ičtaze siš , miše abideli üksjašt poigad .I hänen abid kut-se suli , i Hanhele tehlile ani žal’ ičeze mamad .Toižen vai koumanden päivän lophu abidaspäi ei jänd jäl’ged-ki .I sid’ jo ni verez kalalem’ , ni mectuz taugunke ei voind küksta melid maman polhe .Hän tezi , miše mamoi holdub ičeze poigas .
I sid’ Hanh’ sambuti nodjon , puhtasti šalašiš kaik sijad i rigehti kodihe , ottes kerdale tabatud kaloid .Hänen tulend kodihe oli ani penikaine kanzpraznik .
Kodiš möst oli kožmuz sihesai , kuni Hanh’ tehli mittušt-se hubut .
Hätken šalašiš niken ei tedand , ka nügüd’-ki sen polhe ei pagištud aigvoččile .Sid’ prihaižišpäi oliba vaiše Tol’aine i Sergei .Kaks’ vai koume kerdad täs oli Tan’aine-ki .
Hanh’ tegi necen , miše ozutada Tan’aižele – hänelpäi Hanhel ei ole nimiččid peitusid , i nece erigoitab Tan’ašt toižiš neičukaižišpäi .I Tan’aine arvosteli necidä i nikonz ei starinoičend nikenele neciš peitsijas , ani nügüd’-ki , konz Hanh’ mikš-se viluganzi Tan’aižehe .
Prihaižed varjoičiba šalašid i arvosteliba sidä .Kezan augotišes hö udes kohenziba sidä , toiba uzid veresid kavagid , koivbarboid , katoiba katusen udel kuz’korel .
Šalašiš kaiken aigan pidetihe ongid , solad , virid , tohusid , toht nodjon täht i kaiked tošt tarbhašt .Kaik nece ližazihe sen täht , miše ku kelle-ni dovediše tulda tänna tühjal kädel ...
Nece keza zavodihe Hanhen täht ani tünäs .Kodiš oli kožmuz .Voib olda , sikš , miše Hanh iče ei tegend nimiččid uradindoid , a voib olda , tegihe vanhembaks , vahvaks , ved’ hänele linneb jo kuz’toštkümne vot pigai .Mamoi-ki tezi necen i kacui hänehe kuti aigvoččehe .
Kaizeranke Hanh’ oli šalašiš paksus .Miše niken ei nägištaiži , hän ümbärdeli radajid pöudos radnikoid , a konz tuleskeli mecha , ezmäi kundli tarkas kaikuččid änid .Kundli , ei-ik kolkota ken-se kirvhel koivištos , ei-ik strikuta pöudos nitandmašin , ei-ik kulu radnikoiden paginoid .Kaikiš neniš änišpäi hän tahtoi pigemba pageta .
Hän varaiži nenid vastusid , sikš ku varaiži avaita nece peitsija .Hän tezi , miše külänikoile ei ole mel’he hänen mecšläbäiduz .I konz hän oli jo edahan küläspäi , Hanh’ hengahteli i pästli Kaizerad valdale .
Händikahut pit’kha voi jokseta mecad , ei tulend ižandannoks ...No konz Hanh’ vihel’dab , ka sil-žo pordol se oli Hanhenno .Lahjaks se saskeli palaižen saharad vai munad .
Muga hö tuleskeliba šalašinnoks .Kuni Hanh’ tehli nodjon , Kaizer tarkišteli kaiken šalašiš , kacui , miše kaik om sijal i panlihe verajannoks .Hän tehli necen kaiken , kuti koir .No lämoid hän ei tirpand .I konz Hanhen kädes oliba virid , kacui toižhe polhe .
Konz Hanh’ ongiti , Kaizer ištui hänenno .Hanhel oli mugoine mel’ , miše Kaizerale om tusk , i hän starinoiči hänele midä putub .Kaizeraspäi ei pidand nimidä peitta , hänele voi kaiken starinoita .A peitazjoid Hanhel oli ...Otkam nece – hänen nor’ armastuz .– Kaizer , ed-ik sinä meleta , miše Tan’aine ei mokite minun tagut ? – küzeli hän Kaizeral . – Völ kut mokičese . Hänele ei tarbiž necidä merimest .Ka hän-ki mikš merimehele ?Hänele vanhembid neiččid tarbiž ...A ku sinä nägižid , miččed Tan’aižen sil’mäd
oma !Muštad-ik ?
Hanh’ heitli kalaižen , panli vädraižehe , ištuteli šotun koukuižele i udes tacli sen jogen vedhe .
– Hänen sil’mäd oma vihandad , ani sured . Konz hän verdub , minä varaidan hänen sil’mid .Vaiše sil’mid varaidan-ki , voib olda , vaiše niid nägen-ki hänel siloi .A konz hän nagrab , minä nägen kaiken hänen modoižen .Muštad-ik : hänen tukad oma vauktad , a kulmad mustad ...Erasil neičukaižl kenen hibused oma vauktad , kulmid ei nägu-ki .A Tan’aižel ned oma kuti artistkal ...Sinä naku kaiken el’gendad i oled vaitti .
A minä ved’ tedan , konz sinei hüvä om , a konz paha , midä sinei mel’he om , a midä ei ole .Muga Tan’aižel-ki .Hänen modon mödhe minä kaiken nägen i kaiken tedan .Miš sinä meletad , minei om jüged tedištada , a miš Tan’aine meletab , minä tedan .Ik sinei sanuda ?Hän pidäb meles : "Mitte olen urad , miše läksin klubha L’oška-merimehenke !
Minei Vas’aine ei prosti necidä abidod i ei ota lidnaha .Minä opendaškanden lekarikš , hän nägištab mindai lidnas , no mäneb siriči , ei sanu nimidä , kuti ei homaičend-ki .A sid’ hän tegese merimeheks , vaiše vedenaluižiš venehiš radaškandeb .Hän tegeb meres miččen-se rohktan tegon , i händast pästtas lebule .I hän möst ei homaičeškande mindai .Muga minä jän-ki üksnäin !"Naku miš hän meletab .No sinä ed sanu hänele , miše minä händast üksnäze nikonz en jäta .I ku hän ei lähte guleimaha toižiden prihoideneke , minä nikonz händast en abidi i nikonz en johtuta , miše hän ühten ehtan oli sen merimehenke ...
Miččen rohktan tegon Hanh’ tegeb , hän ei völ tedand , no miše se linneb , hän vahvas uskoi ...Kaizer mugažo uskoi , miše hänen ižand om rohked i
nikonz ei olend necidä vasthapäi .
Erašti Sit’-jogele Hanh’ otli ičeze sebranikoid .Heidenke hän ei koskund neche hilläižehe prihaižehe , kudamban tunzi Kaizer .
Hanh’ ei varaidand čuklahtuda süvähä bongaha , saskeli viden metran süvüdespäi kivuzid , mi pagiži , miše hän oli ani pohjanno .Hän saihe hoi -
kihe koivuižihe ani ladvhasai , i nece ladv noikui mannoks .Necen polhe sanutihe – parašutal päzuda maha .Erašti hän tacli nodjoho miččen-se saubatud turuižen , miččen südäimes oli vet .Turuine räkespäi murendelihe , kaik joksiba polidme , i mecas oli ani kuti mugoine bungahtuz .
Hanh’ saneli opakoid starinoid , miččid iče meleti-ki .Se händast čuklotusen aigan vedes ken-se tabazi jaugas , se hänen taga ujelihe sur’kulu haug’ , se hänen taga mecas käveli mitte-se karvikaz živat .Sen karvad muštuteliba karbhid , miččid voib nägištada vanhoil pedajil vai kuzil .Oliba mugoižed-ki starinad , kus oli toden jüvid .No nenihe-ki starinoihe oli sidotud äi Hanhen fantazijad ...
Sit' - sarnaline jogi. 09.pala
Veps