Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Galina Baburova. Kiži-sarel mäni vepsläižele kul’turale omištadud festival’
Galina Baburova
Kiži-sarel mäni vepsläižele kul’turale omištadud festival’
Veps
New written Veps
Venäman
rahvahiden ühtmuden voden aigan tehtas äi erazvuiččid azjtegoid , miččed om oigetud meiden man rahvahiden kul’turan kaičendaha .Üks’ mugoižišpäi azjtegoišpäi mäni Venäman päivän Kiži-sarel .Nece oli "Vepsläine garmonija " -festival’ , miččel sen ühtnikad voiba tundištadas vepsläižiden käzitöidenke , muzikanke , tradicijoidenke , kelenke .Festivalin programm oli lujas bohat .Sil päiväl sarele tuli enamba 1500 mest .
Kanman festivalid Kižile jo tuliba ezmäižed adivod .Sil päiväl mäni vastuz tedomehenke Zinaida Strogalščikovanke , kudamb starinoiči vepsläižiden kul’turjäl’gestuses .Nece päiv lopihe Karjalan rahvahaližen teatran "Vepsläine neižne " -spektaklin ozutandal .
Toižel päiväl saren keskhe pandihe palatkad – möndsijad , kus mastarid ezitiba ičeze tehmusid da taričiba festivalin adivoile ühtneda mastar’-klassoihe ."Periodika "-painišt mugažo toi festivalile ičeze painusid vepsän , karjalan da venän kelil da eziti niid .
Möndsijoiden edes oli tehtud scen , miččel mäni kul’turprogramm .Ezmäi scenal ezini "Kiži "-muzejan pämez’ Jelena Bogdanova .Hän kiti muzejan partn’oroid abus festivalin tegemižes .
– Vepsän rahvaz om vähäluguine , no se eläb kožmuses . Vepsläižil om lujas bohat kul’tur .Pidab tehta kaiken , miše kaita sidä , – sanui Jelena Bogdanova .
Äjan pagištihe vepsläižen sektoran tegemižes Kiži-sarel .Zinaida Strogalščikova om mugošt mel’t , miše vepsläižen sektoran avaidamine vahvištoitab kosketusid muzejan da vepsläižen ühthižkundan keskes .
– Jelena Viktorovna lujas tugedab vepsän kul’turan popul’arizoitandad sarel . Toivon , miše vepsläine sektor avaidase pigemba meiden abunikoiden taguiči i jo läheližel aigal tegeškandem sigä erazvuiččid azjtegoid , – sanui muzejan radnik Anna Anhimova .
Sid’ scenale läksi "Kiži "-muzejan fol’kloriž-etnografine ansambl’ .Se vaumišti festivalikš programman , miččes ozuti vepsläižid tradicijoid da veroid .Ansambl’an ohjandai Natalja Mihailova kommentirui ezitusid – starinoiči , konz i kus oli ottud se vai toine material .Muga festivalin adivod nägištiba pondalaižen lanckargun , kundliba šokšulaižen sarnan da toižegelaižen poteškan .Edemba Natalja kucui scenale Vepsän rahvahan horan .Hän starinoiči , miše 1960. vozil "Melodija "-studii äneti plastinkan Vepsän rahvahan horan pajoidenke , vodel 1970 horale anttihe "rahvahan "-nimi , a vodel 2023 se tegihe Venäman arvostadud sädaikollektivaks .Hän mugažo johtuti , miše täl vodel hor praznuičeb 90-vottušt jubilejad .
Kaikiden ezitusiden jäl’ghe festivalin ühtnikoil oli voimuz paremba tundištadas Kižisarenke : heiden täht oli tehtud tundištoituzmatk saren melentartuisijoidme .
Kiži-sarel mäni vepsläižele kul’turale omištadud festival’
Veps
New written Veps