Texts
Return to list | edit | delete | Create a new | Statistics | ? Help
P’otr Vasiljev. “Elonpu”: vastused Ojatil
P’otr Vasiljev
“Elonpu”: vastused Ojatil
Veps
New written Veps
Männudel
voz’sadalpäi vauktoiden kezaöiden aigan Venäman erazvuiččiš agjoišpäi Vidlaha rigehtiba adivod , kudambil oma vepsläižed jured vai muite heile om melentartušt ves’-heimon kul’tur .Neciš tahtos tulda vepsän male om-ki "Elonpu "-festivalin pätegend – kaita ezitatoiden bohatad jäl’gestust , vahvas sidoda sugupol’vid čoman , röunatoman , adivoičetajan kodimanke .
Naku neciš-ki kezakus , Venäman päivän jäl’ghe , sinižen koveran Ojat’-jogen päl komedas kului vepsän kel’ .Tradicionaližed vepsläižed sädod , poimetiž , paštatesiden maged haju muga manitiba-ki adivoid .Vepsläine kadril’ da veslad pajod ihastoitiba tulnuzid ristituid , kaikil oli hüvä mel’ .
Nece praznik oli kuti repeticii edel jubileipraznikad , ved’ tulijal vodel "Elonpule " täudub 40 vot .Sikš om tärged otta homaičusehe praznikan parahimid momentoid , meletada midä-se ut da melentartušt i vajehtada sidä , mi ei ozastund .
Rahvahale oma mel’he käzil tehtud muštlahjad da adivsömäd .Praznikal adivoil om hüvä voimuz čukloutas vepsläižen praznikan tradicijoihe , tedištada rahvahan da sen kodiman istorijan polhe , opetas tehmaha erazvuiččid käzitöd , eskai pagišta vepsän kelel .Om hüvä , konz prazniklavale kuctas vepsän rahvahan ezitajid , kudambad oliba "Elonpu "-praznikan augonpanijoin da vepsän man arvostadud eläjid .
A necil kerdal sä čudutoiti kaikid .Polentošt časun jäl’ges praznikavaidust zavodihe vihm jumalansänke .No ozaks , adivoile täudui aigad edel vihmad , miše nähtas tutabidenke , pagišta heidenke , ristituile jäiba hüväd tundmused festivališ .Hö toivoiba tulda tänna tulijal jubileivodel i kucta praznikale ičeze sebranikoid , tutabid .
“Elonpu”: vastused Ojatil
Veps
New written Veps