Texts
Return to list | edit | delete | Create a new | Statistics | ? Help
Natalja Sinitskaja. Kilbu kanzoin sovun lujoittamizekse
Natalja Sinitskaja
Kilbu kanzoin sovun lujoittamizekse
Livvi
New written Livvic
Kanzallizen
da alovehellizen poliitiekan ministerstvan kilvan voittajat on ilmoitettu da palkittu .Kilbu oli omistettu valdivollizen kanzallizen poliitiekan todevuttamizele .
Kilbah oli työtty 41 kirjutustu 28 henges .Kilbuniekoin keskes oli Onieganrannikon , Anuksen , Kalevalan , Suojärven , Segežan piirilöis eläjiä , Petroskoin lehtien — Oman Muan , Kodiman , Karjalan Sanomien — ruadajua , piirilehtien — Prionežje , Olonija , Suojarvskii vestnik , Novosti Kalevali , Doverije – toimittajua da verkojulgavoloin ruadajua .
Kirjutukset oldih nelläl kielel — ven’akse , karjalakse , vepsäkse da suomekse .
Kilbah työttylöi kirjutuksii arvosti joukko , kuduah kuului tiedoalan , opastuksen ruadajua , valdivovallan edustajua da yhteiskunnallizih liittoloih kuulujua .
Sähköllizien joukkoviestimien nominatsies voittajakse rodih VGTR "Karelian " toimittai Julija Petunova programman kel "Ystävyskoit Kinnermäl ", kudai kerdoi Ven’an eri alovehilpäi tulluzien Ystävyskodiloin ruadajien käyndäs karjalazeh kyläh .
Toizele sijale piäzi VGTR "Karelian " ruadai Larisa Čirkova .Häi työdi kilbah programman kanduvähembistön — vepsäläzien kannattamizes .
Kolmanden sijan on suannuh Sampo TV 360 -kompanien varapiämies Valentina Makarihina programmas "Pohjazen kuldu " pomoroin perindöllizes kuldukirjoin poimindas .
Painojulgavot -nominatsies enzimäzen sijan on suannuh Karjalan Rahvahan Liiton johtokundah kuului Valentina Libertsova omassah kirjutukses "Kanzoin yhtevys Vladimir Brendojevan tevoksis ".
Toizele sijale piästih Kodimalehten piätoimittai Irina Sotnikova da Baltiekkumeren-suomelazien liigan piälikkö Anna Anhimova kirjutukses , kudai oli omistettu Vuokkiniemele da Jyškyjärvele käyndymatkoil , kudamien aigah kerättih perindöllizien syömizien retseptoi .
Kolmanden sijan on suannuh Suojarvskii vestnik -piirilehten piätoimittai Natalja Vasenina kirjutuksen kel "Lujoitetah sobuu kanzoin keskes ", kuduas oli kerrottu rahvahallizen Vot on kummua -teatrujoukon merkipäiväs .
Kilbu kanzoin sovun lujoittamizekse
Livvi
New written Livvic