VepKar :: Texts

Texts

Return to list | edit | delete | Create a new | Statistics | ? Help

Apostoloiden tegod (13:13-52). Jumalan sanan vemine zavodiše. Antiohian uskondkund. Pavel i Varnava Pisidian Antiohias

corpus: Dialectal texts, Biblical texts

Source:
Uz’ zavet, 2006, p. 297-300
Apostoloiden tegod. 13

Деяния апостолов. Глава 13. Библия (Синодальный перевод).

Apostoloiden tegod (13:13-52). Jumalan sanan vemine zavodiše. Antiohian uskondkund. Pavel i Varnava Pisidian Antiohias

Veps
New written Veps
13Pafosaspäi Pavel sebranikoidenke ajoi meriči Pamfilian man Pergiaha. Sigä Joan eriganzi heišpäi i pördihe Jerusalimha.

14Toižed läksiba Pergiaspäi edemba i tuliba Pisidian Antiohiaha. Sobatan hö tuliba suimpert'he i ištuihe.

15Käskišton i Jumalan sanankandajiden kirjutusiden lugemižen jäl'ghe suimpertin ezimehed oigenziba küzumaha: "Velled, ku ken-ni teišpäi tahtoib sanuda nevondsanoid rahvahale, ka olgat hüväd".

16Siloi Pavel libui, ozuti kädel, miše tahtoib sanuda, i pagižeškanzi: "Kundelkat mindai, izrail'aižed i toižed, ked varaidat Jumalad!

17Necen rahvahan Jumal valiči meiden tatoid, i konz hö oliba Egiptas, verhas mas, hän tegi heid sureks rahvahaks i vedi heid vägeval kädel sigäpäi.

18Läz nellädkümned vot hän söti heid rahvahatomas mas.

19Hän surmiči seičeme rahvast Hananan mas i andoi heiden man izrail'aižile i heiden lapsile jäl'gestuseks.

20Sen jäl'ghe, konz mäni läz nellädsadad vitkümned vot, hän panli heile sudjid Samuilan, Jumalan sanankandajan, aighasai.

21Jäl'ges hö pakičiba ičeleze kunigast, i Jumal andoi heile Saulan, Kisan poigan Veniaminan heimokundaspäi. Saul oli kunigahan nel'l'kümne vot.

22Sid' Jumal heiti valdaspäi Saulan i pani heile kunigahaks Davidan. Davidan polhe hän sanui: ‘Minä olen löudnu Davidan, Isain poigan, kudamb om minei mel'he. Hän kaiken tegeb minun tahton mödhe’.

23Davidan heimokundaspäi Jumal ičeze toivotusen mödhe andoi Izrail'ale Päzutajan, Iisusan.

24Edel hänen tulendad Joan saneli Izrail'an rahvahale, miše kaikile tarbiž kärautas grähkišpäi i valatadas.

25Loptes ičeze radod Joan sanui: ‘Minä en ole se, keneks tö mindai luget. No minun jäl'ghe tuleb toine, kudamban kengid-ki minä en ole arvokaz rušta’.

26Velled, Avraaman lapsed, i toižed, ked varaidat Jumalad! Teile oli oigetud vest' necen päzutandan polhe.

27Jerusaliman eläjad i heiden pämehed ei tundištanugoi Iisusad. Hö sudiba händast surmale i necil sudal täutiba Jumalan sanankandajiden sanad, kudambid lugetas joga sobatan.

28Hö ei löudnugoi hänes nimittušt vigad, miš voiži sudida surmale, no kaiken-se pakičiba Pilatad rikta händast.

29Konz hö oliba tehnuded kaiken, midä hänen polhe oli kirjutadud, hö heitiba händast ristaspäi i paniba kaumha.

30No Jumal eläbzoiti händast kollijoišpäi.

31Hän äi päivid ozutelihe nenile, ked hänenke oliba tulnuded Galilejaspäi Jerusalimha. Hö nügüd' oma hänen todištajad Izrail'an rahvahan edes.

32Mö sanum teile necen hüvän vestin: sen, midä Jumal toivoti meiden ezitatoile, sen hän om tehnu meile, heiden lapsile, konz eläbzoiti Iisusan.

33Ved' toižes psalmas om kirjutadud:
— Sinä oled minun Poig,
tämbei minä sindai sündutin.

34I ku Jumal om eläbzoitnu Iisusan, ka Iisusan hibj ei tedaškande, mi om hapatez. Neciš Jumal om muga sanunu:
— Sen pühän i vahvan toivotusen,
miččen Davidale andoin,
minä todenzoitan teile.

35Sikš hän toižes sijas-ki sanub muga:
— Sinä ed anda ičeiž Pühän Orjan
hibjale hapata.

36David ičeze elon aigan tegi sidä, midä Jumal oli märičenu, i sid' hän koli. Händast pandihe maha tatoiden rindale, i hänen hibj hapni.

37No hän, kudamban Jumal eläbzoiti, ei hapnend.

38Tekat tö, velled, hänen täht teile sanutas: ‘Teiden grähkäd om pästtud’,

39i hänen täht jogahine, ken uskob, tegese tozioiktaks i linneb oiged kaikes siš, miš Moisejan käskišton kal't tö et voinugoi tehtas tozioiktoikš.

40Vaiše kackat, miše teile ei tegižihe sidä, min polhe Jumalan sanankandajad sanuiba muga:

41— Kackat tö, hondostajad!
Čududelgatoiš — i sid' kolgat!
Minä tegen teiden päividen aigan mugoižen tegon,
miše tö et voiži uskta-ki,
ku ken-ni teile sanuiži".

42Konz Pavel i Varnava läksiba evrejalaižiden suimpertišpäi, ei-evrejalaižed pakičiba heid pagišta necen polhe toižen-ki sobatan.

43Konz nece suim lopihe, äjad evrejalaižed i äjad toižed jumalahižed mehed, kudambad oliba käraudanus heiden uskondaha, läksiba ühtes Pavlanke i Varnavanke. Pavel i Varnava pagižiba heidenke i tomotiba püžuda Jumalan armoiš.

44Toižen sobatan vähäta kaik lidn kerazihe kundelmaha Jumalan sanad.

45Nägištades äi rahvast, evrejalaižed lujas kobaidaškanziba i vastustaškanziba pahoil sanoil sidä, midä Pavel pagiži.

46Siloi Pavel i Varnava sanuiba heile rohktas: "Ezmäks teile pidi sanelda Jumalan sana. No ku tö et tahtoigoi sidä kulda i iče teget ičtatoi kožumatomikš igähižehe eloho, ka mö käraudamoiš Jumalad tundmatomiden rahvahiden polhe.

47Muga meile om käsknu Ižand:
— Minä panin sindai lämoikš
Jumalad tundmatomile rahvahile,
kaikiden päzutajaks ani man agjahasai".

48Kulištades necen Jumalad tundmatomad rahvahad lujas ihastuiba i ülenzoitiba Ižandan sanad, i kaik, kenele oli märitud päzuda igähižehe eloho, uskoškanziba.

49Ižandan sana leviganzi kaikjale necil tahol.

50No evrejalaižed tomotiba jumalanvaraidajid naižid korktoiš suguišpäi i lujas arvokahid lidnan pämehid vastustada Pavlad i Varnavad, i heid ajaškatihe i kükseškatihe sil taholpäi.

51Pavel i Varnava pudištiba pölün ičeze jaugoišpäi heiden päle i läksiba Ikoniaha.

52No Antiohias openikad oliba kaiken hüviš meliš i täuded Pühäd Henged.

Деяния апостолов (13:13-52)

Russian
13Отплыв из Пафа, Павел и бывшие при нем прибыли в Пергию, в Памфилии. Но Иоанн, отделившись от них, возвратился в Иерусалим.

14Они же, проходя от Пергии, прибыли в Антиохию Писидийскую и, войдя в синагогу в день субботний, сели.

15После чтения закона и пророков, начальники синагоги послали сказать им: мужи братия! если у вас есть слово наставления к народу, говорите.

16Павел, встав и дав знак рукою, сказал: мужи Израильтяне и боящиеся Бога! послушайте.

17Бог народа сего избрал отцов наших и возвысил сей народ во время пребывания в земле Египетской, и мышцею вознесенною вывел их из нее,

18и около сорока лет времени питал их в пустыне.

19И, истребив семь народов в земле Ханаанской, разделил им в наследие землю их.

20И после сего, около четырехсот пятидесяти лет, давал им судей до пророка Самуила.

21Потом просили они царя, и Бог дал им Саула, сына Кисова, мужа из колена Вениаминова. Так прошло лет сорок.

22Отринув его, поставил им царем Давида, о котором и сказал, свидетельствуя: нашел Я мужа по сердцу Моему, Давида, сына Иессеева, который исполнит все хотения Мои.

23Из его-то потомства Бог по обетованию воздвиг Израилю Спасителя Иисуса.

24Перед самым явлением Его Иоанн проповедывал крещение покаяния всему народу Израильскому.

25При окончании же поприща своего, Иоанн говорил: за кого почитаете вы меня? я не тот; но вот, идет за мною, у Которого я недостоин развязать обувь на ногах.

26Мужи братия, дети рода Авраамова, и боящиеся Бога между вами! вам послано слово спасения сего.

27Ибо жители Иерусалима и начальники их, не узнав Его и осудив, исполнили слова пророческие, читаемые каждую субботу,

28и, не найдя в Нем никакой вины, достойной смерти, просили Пилата убить Его.

29Когда же исполнили всё написанное о Нем, то, сняв с древа, положили Его во гроб.

30Но Бог воскресил Его из мертвых.

31Он в продолжение многих дней являлся тем, которые вышли с Ним из Галилеи в Иерусалим и которые ныне суть свидетели Его перед народом.

32И мы благовествуем вам, что обетование, данное отцам, Бог исполнил нам, детям их, воскресив Иисуса,

33как и во втором псалме написано: Ты Сын Мой: Я ныне родил Тебя.

34А что воскресил Его из мертвых, так что Он уже не обратится в тление, о сем сказал так: Я дам вам милости, обещанные Давиду, верно.

35Посему и в другом месте говорит: не дашь Святому Твоему увидеть тление.

36Давид, в свое время послужив изволению Божию, почил и приложился к отцам своим, и увидел тление;

37а Тот, Которого Бог воскресил, не увидел тления.

38Итак, да будет известно вам, мужи братия, что ради Него возвещается вам прощение грехов;

39и во всем, в чем вы не могли оправдаться законом Моисеевым, оправдывается Им всякий верующий.

40Берегитесь же, чтобы не пришло на вас сказанное у пророков:

41смотрите, презрители, подивитесь и исчезните; ибо Я делаю дело во дни ваши, дело, которому не поверили бы вы, если бы кто рассказывал вам.

42При выходе их из Иудейской синагоги язычники просили их говорить о том же в следующую субботу.

43Когда же собрание было распущено, то многие Иудеи и чтители Бога, обращенные из язычников, последовали за Павлом и Варнавою, которые, беседуя с ними, убеждали их пребывать в благодати Божией.

44В следующую субботу почти весь город собрался слушать слово Божие.

45Но Иудеи, увидев народ, исполнились зависти и, противореча и злословя, сопротивлялись тому, что говорил Павел.

46Тогда Павел и Варнава с дерзновением сказали: вам первым надлежало быть проповедану слову Божию, но как вы отвергаете его и сами себя делаете недостойными вечной жизни, то вот, мы обращаемся к язычникам.

47Ибо так заповедал нам Господь: Я положил Тебя во свет язычникам, чтобы Ты был во спасение до края земли.

48Язычники, слыша это, радовались и прославляли слово Господне, и уверовали все, которые были предуставлены к вечной жизни.

49И слово Господне распространялось по всей стране.

50Но Иудеи, подстрекнув набожных и почетных женщин и первых в городе людей, воздвигли гонение на Павла и Варнаву и изгнали их из своих пределов.

51Они же, отрясши на них прах от ног своих, пошли в Иконию.

52А ученики исполнялись радости и Духа Святаго.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages