Тексты

Вернуться к просмотру | Вернуться к списку

Solomonan, Davidan poigan, Izrail’an kunigahan, muštatišed

История изменений

09 ноября 2016 в 16:41 Нина Шибанова

• изменил(а) заголовок
  с 1 Solomonan, Davidan poigan, Izrail’an kunigahan, muštatišed
  на Solomonan, Davidan poigan, Izrail’an kunigahan, muštatišed

08 ноября 2016 в 20:47 Нина Шибанова

• изменил(а) текст
  11 ² Antkaha muštatišed melevut, kazvatagha mahtoid el’gendamha melevašti sanutud sanoid, ³ vegha hüvähä tedoho, opendagha tundmaha, mi om oiktuz’, mitte om oiged sud da ken om oiged. ⁴ Tedmatomile antkaha ned mel’t, norile – tedoid da melen mahtoid. ⁵ Melev-ki tegese melevambaks, konz kulištab nenid nevondoid, ⁶ kut el’geta muštatišid, melevid paginoid, melekahiden sanoid da ozoitesid. ⁷ Ižandan varaiduses om melevuden augotiž, [Sel’ktad meled oma kaikil, ked püžuba melevudes. Jumalad korktal sijal pidändas om melevuden augotiž.] ⁸ Kundle, poigaižem, tatan käsk i ala hül’gäida maman opendust, ⁹ sikš ku se om hüvä venc sinun pähä, da čomitez sinun kaglaha. ¹⁰ Minun poigaižem, ku sindai hus’s’utaškaba grähkäntegijad, ala antte. ¹¹ Ku sanuškaba: «Lähtkam meidenke, varastagam peitos da rikkam tozioiged mez’, ¹² laindam eläban, kut laindab ad, laindam kogonaze, kut laindab kaum. ¹³ Mö sam kaikuttušt bohatust, tom ičemoi kodihe äi sališt. ¹⁴ Ühtes meidenke sinä taciškad arbad, ühthine linneb meiden ait.» ¹⁵ Poigaižem, ala mäne heiden tele, ala pane jaugad heiden tropale. ¹⁶ Heiden jaugad jokseba ani pahaze, rigehtiba pästmaha vert. ¹⁷ Ei homaiče lind verkod, hot’ nägeb, kut sidä levitadas. ¹⁸ A tehtas nece heiden veren täht, da miše tabata heiden henged. ¹⁹ Mugoine te om kaikil, ked tahtoiba verast bohatust. Ken sidä tahtoib, se kadotab ičeze hengen. ²⁰ Melevuz’ laskeb kidoid kujoil, levedoil irdoil se libutab ičeze än’t. ²¹ Se andab än’t suimil, lidnan verajiš pidab paginoid: ²² «Hätken-ik völ, tö, meletomad, navediškat meletomut? Hätken-ik völ, uradad, uradiškat? Hätken-ik, tedotomad, et navediškakoi tedod? ²³ Kundelkat, kut minä ozutan teile, mi om oiged, kut minä avaidan teile minun hengen, kut oigendan minun sanad teile tedoks. ²⁴ Minä kucuin teid, no tö et kundelnugoi, minä oigenzin teile minun käden, no niken ei kacnus. ²⁵ Tö hül’gäižit kaik minun nevondad, minun sanoid tö et otnugoi henghe. ²⁶ Sikš minä-ki nagraškan, konz tuleb teiden kadond, ihastuškan, konz tö pöl’gästut, ²⁷ konz pöl’gästuz tuleb teiden südäimehe kut meren bangud, pahuz’ – kut tullein piring taciše teiden päle, konz tö putut tuskaha da ahtištusehe. ²⁸ Sid’ kucuškatas mindai, no minä en anda vastust, homendesespäi eciškatas mindai, no ei löutkoi. ²⁹ Se linneb muga, sikš ku hö ei navednugoi tedod, i ei valičenugoi ičeleze Ižandan varaidust, ³⁰ ei otnugoi pähä minun nevondoid, kaik minun vaihed lugiba tühjin. ³¹ Sikš hö söškaba ičeze radoiden satusid, küldüškasoiš ičeze tahtoil. ³² Ičepäižed oma meletomad, hö veba iče ičtaze kadondaha, kebnmeližed koleba holetomudehe. ³³ A se, ken kuleb mindai, eläškab tünäšti, ei varaidaška pahut.»

08 ноября 2016 в 20:44 Нина Шибанова

• изменил(а) заголовок
  с ¹Solomonan, Davidan poigan, Izrail’an kunigahan, muštatišed
  на 1 Solomonan, Davidan poigan, Izrail’an kunigahan, muštatišed

08 ноября 2016 в 20:42 Нина Шибанова

• создал(а) текст