Тексты

Вернуться к просмотру | Вернуться к списку

Vedovägi ičeze rahvahan opendamižehe

История изменений

23 декабря 2021 в 00:32 Nataly Krizhanovsky

• изменил(а) автора источника
  с Darja Švecova
  на

21 января 2020 в 03:32 Nataly Krizhanovsky

• изменил(а) текст
  Kezan augotišes, 6.-17. päivil kezakud, Moskva-–lidnas mäni venäkeližiden igähižiden rahvahiden ezitajiden radharjoiteluz ÜRK:n (Ühthižrahvazkundad) sistemas. Sen pätegendan oli abutada ühtnikoile sada tarbhaižid tedoid ÜRK:n sisteman polhe, mehiden oiktusiden tedoalovehes, a ku sanuda oiktas – Igähižiden vähäluguižiden rahvahiden oiktusiden alovehes. Radharjoitelusehe ühtniba mugoižed igähižiden rahvahiden ezitajad, kut vepsläižed, komi, evenkad, nencad, nanaicad da šorcad. Kahtes radharjoitelusen nedališ Rahvahiden sebruden universitetas mäni openduzprogramm. Ühtnikoiden täht oli tehtud openduzčasuid, miččid vediba sen universitetan opendajad. Openduzčasuiden jäl’ghe jogahižel ühtnikal oli voimuz diskutiruida küzundoid da sen abul el’geta temad enamba da sel’ktemba. Paiči necidä ühtnikoiden täht oli tehtud melentartuižid ekskursij oidekskursijoid Venäman nügüd’aigaižen istorij anistorijan muzejaha da Saharovan keskusehe, a mugažo heid lämäšti vastatihe Venäman Pohjoižen, Sibirin da Edahaižen Päivnouzman Igähižiden vähäluguižiden rahvahiden associacij asassociacijas (RAIPON). Kacmata sihe, miše programm oli lujas täuz’, ühtnikoil oli aig sada ihastust meiden Kodiman pälidnan čomudes. No kaikid tärktemban oli se, miše heil oli voimuz vastatas toižiden rahvahiden ezitajidenke, tedištada äi ut da melentartušt heiden kul’turan, veroiden da kelen erigoičusiš da starinoita ičeze rahvahas da veroiš. Nece radharjoiteluz andoi ei vaiše tedoid ÜRK:n sisteman mehiden oiktusiden polhe, no arvatoman-ki mahtišton, kosketusen da vedovägen ičeze rahvahan opendamižehe, kaičusehe da kehitoitandaha.

21 февраля 2017 в 21:14 Нина Шибанова

• создал(а) текст