Тексты
Вернуться к просмотру
| Вернуться к списку
Rohked paimen
История изменений
17 октября 2021 в 20:43
Nataly Krizhanovsky
- изменил(а) автора источника
с Jevgenia Sinickaja
на
25 октября 2018 в 12:40
Нина Шибанова
- изменил(а) текст
Starinad kezan polhe Necen starinan minei babam sanui: ”Tuli keza. Oli mugoine čoma, läm’ päiv. Üks’ prihaine paimenzi meiden lehmid. Minä abutin hänele lehmid ajada. Nedalin lehmäd paimenzihe mecas, a tämbei ajoim heid jogirandale sötmahas. Minä tönduin tagaze, kodihe, a lehmid jätin prihaiženke. En ehtind edahaks mända, ka kulištin mugošt kidad: ”A-a-a-a!”. Muga pöl’gästuin, meletan: ”Mi-se tegihe!” Joksin sinnä tagaze. Prihašt nikus ei ole, i lehmid ei ole. Zavodin heikta. Hän andoi än’t korbespäi. Mänin sinna. Kacun – nor’ paimen seižub vazaiženke, lehmid ei nägu. – Keda sinä pöl’gästuid? – küzun. – Ka, vaza zavodi astta päliči joges, meletin, miše uptab, kidastaškanzin. Lehmäd pöl’gästuiba, händad lendiba i joksiba kodihe. A vazaine korbehe, i minä sen jäl’ghe. – Ala varaida, – sanuin minä – lehmäd da vazad ei upokoi, hö mahtaba ujuda”.
25 октября 2018 в 12:40
Нина Шибанова