Тексты

Вернуться к просмотру | Вернуться к списку

Iisus sötab vižtuhad mest

История изменений

17 февраля 2022 в 22:05 Nataly Krizhanovsky

• изменил(а) заголовок перевода
  с Iisus sötab vižtuhad mest
  на Марк 6:30-44

30 мая 2020 в 07:46 Andrew Krizhanovsky

• изменил(а) текст
  ³⁰Apostolad kogozihe Iisusannoks i sanuiba hänele kaiken, midä hö oliba tehnuded i kut opendanuded. ³¹Hän sanui heile: «Astkat minunke rahvahatomha tahoze, i lebaikatoiš.» Äi rahvast tuleskeli kaiken aigan, i openikoil eskai ei olend aigad söda-ki. ³²Muga hö läksiba venehel rahvahatomha tahoze, miše olda üksnäze. ³³No rahvaz homaiči, kut hö läksiba matkaha. Äjad tundištiba heid, joksiba kaikiš lidnoišpäi sinna, ehtiba tulda aigemba heid-ki i kogozihe hänennoks. ³⁴Konz Iisus läksi venehespäi i nägišti kaiken necen rahvahan, hänele tegihe žal’ heid, sikš ku hö oliba kuti lambhad paimneta. Hän zavodi opeta heid äjihe azjoihe. ³⁵Konz zavodi ehttuda, openikad tuliba hänennoks i sanuiba: «Nece om rahvahatoi taho, a om jo möhä. ³⁶Pästa heid, miše hö läksižiba lähembaižihe pertihe i külihe ostmaha ičeleze leibäd, ved’ heil ei ole nimidä sömäd.» ³⁷«Antkat tö heile söda», – virki Iisus. Hö sanuiba hänele: «Pidab-ik meile mända ostmaha kahtelsadal dinarijal leibäd i antta heile söda?» ³⁸Iisus küzui: «Äjak leibäd teil om? Mängat kacmaha.» Hö tedištiba i sanuiba: «Viž leibäd i kaks’ kalad.» ³⁹Iisus käski ištutada rahvast kogoihe vihandale normele. ⁴⁰Rahvaz ištuihe kogoihe, sada i vižkümne mest kogos. ⁴¹Sid’ hän oti ned viž leibäd i kaks’ kalad, kacuhti ülähäks taivhaze i kiti Jumalad. Hän lohkaiži leibäd i andoi supalad ičeze openikoile, i hö jagoiba rahvahale. Mugažo hän jagoi kaikile nene kaks’ kalad. ⁴²Kaik söiba külläks. ⁴³I keratihe leibpaloid da kalan jändusid kaks’toštkümne täut puzud. ⁴⁴Sömäs oli olnu läz vittuhad mužikad.
• изменил(а) комментарий источника
  с Evangelii Markan mödhe. Iisus käveleb Galilejas i lähembaižiš tahoiš 6:1-8:26. 6. От Марка святое благовествование, Глава 6. Библия (Синодальный перевод).
  на Evangelii Markan mödhe. Iisus käveleb Galilejas i lähembaižiš tahoiš 6:1-8:26. 6. От Марка святое благовествование, Глава 6. Библия (Синодальный перевод). en=Mark|6

08 апреля 2020 в 17:20 Валентина Старкова

• создал(а) перевод текста
• изменил(а) комментарий источника
  с Evangelii Markan mödhe. Iisus käveleb Galilejas i lähembaižiš tahoiš 6:1-8:26. 6.
  на Evangelii Markan mödhe. Iisus käveleb Galilejas i lähembaižiš tahoiš 6:1-8:26. 6. От Марка святое благовествование, Глава 6. Библия (Синодальный перевод).