ВепКар :: Тексты

Тексты

Вернуться к просмотру | Вернуться к списку

Kui leibiä kazvatettih

История изменений

16 октября 2021 в 19:00 Nataly Krizhanovsky

  • изменил(а) автора источника
    с Vasilii Jefimov
    на

13 сентября 2019 в 15:25 Нина Шибанова

  • создал(а) текст
  • создал(а) текст: Minä hyvin mustan, kui kazvatettih leibiä. Konzu ei täydynyh peldomuadu, meččäh ajettih kaskie. Kaski ajettih keviäl, konzu jo puuloih roih täyzi lehti. Sit kuattih puut, karzittih net. Parembat parret mendih dieloh, karumbat pättih hallokse. Kaskie ajettih kel min verdu pidi, da kelle mi vägie oli. Tulien vuon se kaski poltettih. Lienne kudai kando ei hyvin palanuh, sen alle viritettih vie kerran tuli, poltettih loppussah. Sit se kaski kynnettih. Ruadobrujannu oldih adru da astavu. Sit se kynnetty palo sai toizen nimen, meil sidä sanottih huuhtakse. Elokuun lopus se huuhtupeldo astavoittih da kylvettih rugehel. Sen jälles kynnettih da jätettih kynnöitekselleh. Aidu pellos ymbäri hyvin salvattih. Äski tulien vuon tuldih ruistu leikkuamah. Se oli jo kolmas vuozi. Ruistu leikattih čirpil, se pandih kyhlähih. Kyhlähis piettih 10-15 päiviä, kuni net ei hyvin kuivettu. Kuivat lyhtehet pandih aunah. Yhteh aunah pandih tuhanzin lyhtehin. Talvel ruislyhtehet viettih riiheh. Riihes ruis-lyhtehet pandih kuivamah yläh, pystyy. Riihi lämmitettih räkekse, tossupiän huondeksel aijoi mendih puimah. Puindubruja oli čieppi. Puidut ollet pandih kuboloih da heitettih pihale, rugehet siirrettih yhteh čuppuh. Sit net kobral lykittih keskilattiele: lykkijes rugehet mendih tajembakse, rumenet jiädih lähembäkse. Sen jälles ruisjyvät tuulatettih da pandih huavoloih. Jyvät jauhottih jauhokse. Tämän jo tietäh nygöizetgi lapset. A mi pitky matku on, kuni leiby roih leiväkse. Vai se, kelle puutui nuorennu riihi-toine puiksendella, tiedäy leivän hinnan. Se ei lykkiä leibypalastu sudre.