Тексты

Вернуться к просмотру | Вернуться к списку

Vahtarin lehtez

История изменений

12 октября 2021 в 16:01 Nataly Krizhanovsky

• изменил(а) автора источника
  с Irina Nikitina. Vepsäks kändi Maria Mironova
  на Vepsäks kändi Maria Mironova

02 октября 2019 в 14:22 Нина Шибанова

• создал(а) текст
• создал(а) текст: Lidnan puištos kazvoi nor’ vahtar’. Kevädel sen oksil turpsiba kandaižed i ozutihe ezmäižed vihandad lehtesed. Ned teravas kazvoiba i veslas šobaižiba, konz puhui tulleine. Lehtesed oliba lujas tedonhimoižed, ned čududeldes kacuiba ümbärdajaha miruhu da starinoičiba toine toižele, midä melentartušt nägiba ičeze oksišpäi. Homaičemata mäni keza, i tuli sügüz’. Vihandad lehtesed tegihe pakuižikš da rusttoikš. Äjad niišpäi jo lanksiba maha. Pühäpäivän homendesel puištoho tuli neičukaine. ”Miččed Irina Nikitina čomad lehtesed oma!” – sanui hän tuldes vahtarinnoks. Neičukaine oti lehtesid da toi niid kodihe. Kodiš lehtesed kuiviba, neičukaine pani-ki niid mal’l’aha. Nügüd’ lehtesed seižuiba mal’l’as da ihastusiš kacuiba ümbri. Veslas eliba lehtesed lapsiden honuses. Ühtel ehtkoižel honusehe tuli neičukaižen vanhemb vel’l’. – Miččed čomad sinai lehtesed oma! Voin-ik minä otta ühten gerbarijan täht? – Ota, – laski neičukaine. Vel’l’ tarkašti kacuhti lehtesihe, valiči ühten da tartuti sen al’bomaha. Jäl’ges hän vei al’boman školha. – Mitte čoma om sinai vahtarin lehtez! – sanui opendai da pani prihale hüvän arvznaman. Siš aigaspäi lehtez eläškanzi klassan gerbarijas da kaikuččel päiväl tedišteli midä-se ut da melentartušt.