Тексты

Вернуться к просмотру | Вернуться к списку

Lämäd vastused redukus

История изменений

15 октября 2021 в 00:53 Nataly Krizhanovsky

• изменил(а) автора источника
  с Nadežda Petrova
  на

27 ноября 2019 в 15:52 Нина Шибанова

• создал(а) текст
• создал(а) текст: Redukus lapsil, kudambad opendasoiš Petroskoi-lidnan Suomalaiž-ugrilaižes školas, oli kaks’ melentartušt vastust. Nene vastused oli tehtud Vepsän kul’tursebran da ”Randaine”-pajosebran ühtnikoiden abul ”Muzikaldoine”-projektan todenzoitusen aigan. Neniden vastusiden pätegii om L’udmila F’odorovna Aleksejeva. Ezmäine vastuz oli 1. redukud. L’udmila F’odorovna Aleksejeva da Nina Nikolajevna Nazarova tuliba školha vepsän kelen urokale. Hö openziba lapsid, kut pidab tehta vepsläižid tätüižid. Urokaha ühtniba 1.B da 4.B klassoiden openikad. Lapsile tuli mel’he nece rad, sikš ku hö ičeze käzil tegiba tätüižid da otiba niid kodihe. L’udmila F’odorovna da Nina Nikolajevna lugiba runoid vepsäks da kaiken urokan pagižiba vepsän kelel, sikš lapsil oli voimuz opeta uzid vepsläižid sanoid. Nece mastar’-klass tuli kaikile mel’he. Toine vastuz oli 15. redukud Rahvahiden kul’turiden keskuses. Sen pätem oli ”Veps läižed vändod”. Meid hüvin vastsi ”Randaine”-pajosebr čomil pajoil. Lapsed-ki ozutiba ičeze mahtoid vepsän keles. Hö lugiba runoid, pajatiba lühüdoid pajoid vepsäks. Sen jäl’ghe pajosebran ühtnikad tundištoitiba lapsid ”Kadomatman…”- da ”Virzuine”- vändoidenke. Lapsile tuli mel’he väta uzihe vändoihe. Vastusen lopus kaik joiba čajud vepsläižes honuses da tegiba fotoid muštoks. Školas vepsän kelen urokal lapsed tegiba temkirjutesid neniden vastusiden polhe. Nügüd’ om sel’ged, miše heile oma mel’he mugomad vastused. Lapsil om sur’ toiv vastatas udes mugomiden lahjakahiden ristituidenke!