Тексты
Вернуться к просмотру
| Вернуться к списку
Keviän merkit
История изменений
20 сентября 2021 в 16:12
Нина Шибанова
- создал(а) текст
- создал(а) текст: Konzu tuhukuun sydämes
Pihua myöte myö astummo,
Lumes kiildäjäs päiväzes
Silmii pimeikköh peitämmö,
Iče emmo voi ellendiä,
Midä ymbäri kačommo,–
Keviän armahan tulendua
Peitos merkilöi ečimmö.
Toinah puun ladvat ruskottih?
Toinah lumet kus sulettih?
Toinah jiäpuikot riputah,
Pienil pizaril tiputah,
Iänel hienozel helistäh,
Kevätpajostu soitetah?
Kujot vähäzel mustottih,
Korgiet kivokset alettih,
Pilvet buitegu kebjettih,
Linnut pajoloih livuttih.
Talvi muokkuau vie lähtijes,
Sen myö ammui jo tiijämmö,
Yksisama myös astujes
Keviän merkilöi ečimmö.