Тексты

Вернуться к просмотру | Вернуться к списку

Kaverit

История изменений

21 сентября 2021 в 11:59 Нина Шибанова

• создал(а) текст
• создал(а) текст: Kemisjärven kyläššä Oli kakši mieštä, Hyväččäiset kaverit Vasselei ta Eštu. Molen oltih koulušša, Armeijašta tultih, Työškenneltih kovašti Eikä pahua kuultu. Kalaššeltih yheššä, Kahen meččäh käytih, Oli heijän yštävyš Kova, niin kuin rauta. Konša tulou vahinko Še piäšöy joka paikkah – Šattu poikien välissä Kaunis tyttö Maikki. Kašvo pieni kukkani, Ei niketä nähnyn. Tuli hänen aikani – Nousi, niin kuin tähti. Kakši mieštä kiissetäh Kenen tulou neičyt, Kovat šanat pissetäh, Niin kuin näpiet veičet. Toiset miehet koitettih Heijät panna kurih, Mutta ei ne voitettu, Heti šuatih huuleh. Kiehuu vihan kattila, Ruiskuttau jo veri, Toini toista tapetah, Još ei antua perih. Kuitenki hyö pietyttih, Riitti šiksi järkie, Mutta välih kaverien Tarttu viha karkie. Tytär tosieh varasi Moršiemekši jiähä. Ei ni yksi akotu, Šulhasie on vähän. Tämä as’s’a šelkeni Eikä pitän eččie: Miehet mäntih tienalla Kuukauvekši meččäh. Tuli šinä aikana Toisen kylän poika. Katto tytön paikalla, Riähäšta vei poikeš. Tultih miehet mečaštä, Kuumah käytih kylyh, Hyvät ryypyt otettih, Jatku kaikki hyvin. Šiinä heijän kyläššä Oli kakši čikkuo, Eikä pitän torata, Eikä vetyä tikkuo. Yheššä hyö akottih, Rakennettih talot, Ta elettih ne perehet Niin kuin vieššä kalat. Molen käytih Maikin luo, Vietih hyvät lahjat. Maikki šepäi molompie, Kučču juomah kahvie. Stolašša hyö nakrettih Ihan itkuh šuaten. Šovittih hyö šemmoista Enämpi ei luatie!